മക്ക: മലയാളി ഹാജി മക്കയില്‍ മരണപ്പെട്ടു. സ്വകാര്യ ഗ്രൂപ്പില്‍ ഹജ്ജിനെത്തിയ പാലക്കാട് ചെര്‍പ്പുളശേരി സ്വദേശിയായ അബ്ബാസ് പല്ലത്ത്(67) ആണ് അസുഖത്തെ തുടര്‍ന്ന് മരിച്ചത്. കഴിഞ്ഞമാസം 15ന് മക്കയില്‍ ഭാര്യ ആമിന പല്ലത്ത്, ഭാര്യാ സഹോദരന്‍ എന്നിവരോടൊപ്പം സ്വകാര്യ ഗ്രൂപ്പില്‍ ഹജ്ജിനായി എത്തിയതായിരുന്നു ഇവര്‍.

ഉംറ നിര്‍വഹിച്ചു വിശ്രമിക്കവേ ശ്വാസതടസ്സത്തെ തുടര്‍ന്ന് രണ്ടാഴ്ചയോളമായി മക്ക മെഡിക്കല്‍ സെന്റര്‍ ആശുപത്രിയില്‍ ചികിത്സയിലായിരുന്നു. അസുഖം കൂടിയതിനെ തുടര്‍ന്ന് ഇന്ന് പുലര്‍ച്ചെയാണ് മരിച്ചത്. നടപടികള്‍ പൂര്‍ത്തീകരിച്ച് മക്കയില്‍ തന്നെ ഖബറടക്കം നടത്തുമെന്ന് ബന്ധുക്കള്‍ അറിയിച്ചു.