മലപ്പുറം:  ജില്ലയിലെ പൊതുമേഖലാ സ്ഥാപനമായ എടരിക്കോട് ടെക്‌സ്റ്റയില്‍സ്, മലപ്പുറം സഹകരണ സ്പിന്നിംഗ് മില്‍, മലബാര്‍ കോ-ഓപ്പറേറ്റീവ്  ടെക്സ്റ്റയില്‍സ്(മാല്‍ക്കോടെക്‌സ്)എന്നീ സ്ഥാപനങ്ങളിലെ  എസ്ടിയു  തൊഴിലാളികള്‍ സെപ്തംബര്‍ രണ്ടിനു മൂന്ന് ഷിഫ്റ്റുകളിലും പണിമുടക്കുവാന്‍  ജില്ലാ ടെക്‌സ്റ്റൈല്‍ ഫെഡറേഷന്‍ ജില്ലാ കമ്മിറ്റി യോഗത്തില്‍ തീരുമാനിച്ചു.
എസ്.ടി.യു  ദേശീയ സെക്രട്ടറി അഡ്വ.എം റഹ്മത്തുള്ള ഉദ്ഘാടനം ചെയ്തു. സംസ്ഥാന  സെക്രട്ടറി ആതവനാട് മുഹമ്മദ്കുട്ടി അധ്യക്ഷനായി.
ടെക്‌സ്റ്റയില്‍സ്  ഫെഡറേഷന്‍ സംസ്ഥാന ജനറല്‍ സെക്രട്ടറി സിദ്ധീഖ് താനൂര്‍, പി.പി.എ ജബ്ബാര്‍, എം.പി  ഹംസ, ടി.മരക്കാര്‍, പി.സിദ്ദീഖ്, പി.മൂസക്കുട്ടി, കെ.ഷൗക്കത്തലി, സി.അഷ്‌റഫ്,  എം.ഹംസ, സക്കീര്‍ ഹുസൈന്‍, കെ.ഷിബു, ടി.അലി സംസാരിച്ചു.