രാജ്യസഭാ തെരെഞ്ഞെടുപ്പിലും മുന്നണികളുടെ ന്യൂനപക്ഷ പ്രീണനമാണ് നടന്നതെന്ന് എസ്.എന്‍.ഡി.പി ജനറല്‍ സെക്രട്ടറി വെള്ളാപ്പള്ളി നടേശന്‍. 'മുന്നണികള്‍ രാജ്യസഭാ സീറ്റ് ന്യൂനപക്ഷങ്ങള്‍ക്കാണ് നല്‍കിയത്.ജനാധിപത്യത്തെ മതാധിപത്യം ഹൈജാക്ക് ചെയ്യുകയാണ്.ചിഹ്നം നോക്കി വോട്ടുചെയ്യുന്നവര്‍ തെരുവിലാകുമ്പോള്‍ ജാതി നോക്കി വോട്ട് ചെയ്യുന്നവര്‍ മിടുക്കരാവുന്നു,' വെള്ളാപ്പള്ളി പറഞ്ഞു.

താന്‍ സത്യം പറയുന്നത് കൊണ്ട് ജാതിവാദിയാകുന്നുവെന്നും,സംസ്ഥാനത്ത് ബിജെപി വളരുന്നതിന് കാരണം മുന്നണികളുടെ ന്യൂനപക്ഷ പ്രീണനമാണെന്നും പറഞ്ഞ വെള്ളാപ്പള്ളി തിരുത്തേണ്ടത് തിരുത്തിയാല്‍ ബിജെപിക്ക് പോയ വോട്ടുകള്‍ തിരിച്ചുവരുമെന്നും കൂട്ടിച്ചേര്‍ത്തു.