തൊടുപുഴ: ആലക്കോട് പഞ്ചായത്തിലെ അഞ്ചിരിയില്‍ പുലി ഇറങ്ങിയതായി അഭ്യൂഹം. ഇതേ തുടര്‍ന്ന് തൊടുപുഴ പൊലിസിന്റേയും ഫോറസ്റ്റ് അധികൃതരുടേയും നേതൃത്വത്തില്‍ രാത്രി വൈകിയും തിരച്ചില്‍ തുടര്‍ന്നു.
ഇന്നലെ രാത്രി ഏഴ് മണിയോടെയാണ് സംഭവങ്ങളുടെ തുടക്കം.ആലക്കോട് കലയന്താനി റോഡിലൂടെ പോയ ബൈക്ക് യാത്രികരാണ് പുലിയെ കണ്ടതായി പറയുന്നത്. റോഡിന്റെ ഒരു വശത്തു നിന്നും മറുവശത്തേക്ക് പുലി ചാടിയതായി ഇവര്‍ നാട്ടുകാരോട് പറഞ്ഞു. ഇതറിഞ്ഞ് സമീപത്തെ വീടുകളില്‍ നിന്നും ആളുകള്‍ സ്ഥലത്ത് തടിച്ചു കൂടി. പ്രദേശവാസികള്‍ അറിയിച്ചതനുസരിച്ച് തൊടുപുഴ പൊലിസും, തൊടുപുഴ റേഞ്ച് ഓഫീസിനു കീഴിലെ ഫോറസ്റ്റ് അധികൃതരും സ്ഥലത്തെത്തി തിരച്ചില്‍ ആരംഭിച്ചു. ജനം ഭയവിഹ്വലരാണ്.