മലയാളികള്‍ക്കിടയില്‍ പൊതുവെ ജിമ്മുകളെ കുറിച്ചുള്ള ധാരണകള്‍ മാറി വരുന്ന കാലമാണിത്. ബോഡി ബില്‍ഡിങിന് വേണ്ടി മാത്രമുള്ള ഇടമാണ് ജിംനേഷ്യം എന്നിടത്ത് നിന്നും, ആരോഗ്യകരമായിരിക്കാന്‍ വിവിധ വ്യായാമങ്ങള്‍ ചെയ്യുന്നതിനായി ആളുകള്‍ ജിമ്മിലേക്ക് എത്തുന്നത് ഇപ്പോള്‍ സ്വാഭാവികമാണ്.എന്നാല്‍ ജിമ്മില്‍ വര്‍ക്കൗട്ട് ചെയ്യുന്നതിനെപ്പോലെ പ്രധാനമാണ്,കൃത്യമായി ആഹാരം കഴിക്കുകയെന്നതും. പ്രോട്ടീനും എനര്‍ജിയും അടങ്ങിയ ഭക്ഷണങ്ങള്‍ ജിമ്മില്‍ പോകുന്നവര്‍ കൃത്യമായ ഇടവേളയില്‍ കൃത്യസമയത്ത് കഴിക്കേണ്ടതുണ്ട്. 

കൂടാതെ വര്‍ക്കൗട്ടിന് മുമ്പും ശേഷവും ശരിയായി ഭക്ഷണം കഴിക്കേണ്ടത് അത്യാവശ്യമാണ്.വര്‍ക്കൗട്ട് ചെയ്യുന്നതിന് പരമാവധി ഒരു മണിക്കൂര്‍ മുന്നേയെങ്കിലും ഭക്ഷണം കഴിച്ചിരിക്കണം. വര്‍ക്കൗട്ട് ചെയ്തതിന് ശേഷവും ഒരു മണിക്കൂര്‍ കഴിഞ്ഞ് ഭക്ഷണം കഴിക്കുന്നതാണ് അഭികാമ്യം.പ്രോട്ടീന്‍, ആരോഗ്യകരമായ കൊഴുപ്പ്, കാബ്‌സ് എന്നിവയാണ് വര്‍ക്കൗട്ടിന് മുന്‍പ് കഴിക്കേണ്ടത്. ഇതിനായി വാഴപ്പഴം, പീനട് ബട്ടര്‍, മുഴുവന്‍ ധാന്യ ബ്രഡുകള്‍, പുഴുങ്ങിയ മുട്ട, സ്മൂത്തീസ്എന്നിവ കഴിക്കാവുന്നതാണ്.

 അതേസമയം വര്‍ക്കൗട്ടിന് ശേഷം പെട്ടെന്ന് ദഹിക്കുന്ന ഭക്ഷണങ്ങള്‍ തെരഞ്ഞെടുക്കാം. ഇതിലൂടെ പോഷകങ്ങള്‍ പെട്ടെന്ന് ശരീരത്തിലേക്ക് ആഗിരണം ചെയ്യാന്‍ കഴിയും. ചീയ സീഡ് പുഡ്ഡിങ്, ഓട്‌സ്മീല്‍, മുട്ട, ഗ്രൂക്ക് യോഗാട്ട്, ചിക്കന്‍, മീന്‍, നട്‌സ്, വിത്തുകള്‍ എന്നിവ കഴിക്കാവുന്നതാണ്. ഇതിനൊപ്പം ധാരാളം വെള്ളം കുടിക്കേണ്ടതും അത്യന്താപേക്ഷിതമാണ്. 

വര്‍ക്കൗട്ടിനിടയിലും ആവശ്യമായ തോതില്‍ വെള്ളം കുടിച്ച് കൊണ്ടിരിക്കണം. വര്‍ക്കൗട്ടിനിടയില്‍ ചെറിയ അളവില്‍ 
യോഗാട്ട്, ഉണക്ക മുന്തിരി, പഴം എന്നിവ കഴിക്കാവുന്നതാണ്.