കണ്ണൂര്‍: സിപിഎം കണ്ണൂര്‍ ജില്ല കമ്മിറ്റി അംഗം മനു തോമസിനെ പാര്‍ട്ടി അംഗത്വത്തില്‍ പുറത്താക്കി. അനധികൃത സ്വത്ത് സമ്പാദനവുമായി ബന്ധപ്പെട്ട് മനു തോമസിനെതിരെ പരാതി ഉയര്‍ന്നിരുന്നുവെന്ന് ചൂണ്ടിക്കാട്ടിയാണ് പാര്‍ട്ടി നടപടി. 

ഡി.വൈ.എഫ്.ഐ മുന്‍ കണ്ണൂര്‍ ജില്ല പ്രസിഡന്റും, തളിപ്പറമ്പ് ബ്ലോക്ക് പഞ്ചായത്ത് പ്രസിഡന്റുമായിരുന്ന മനു തോമസ് 
2023 മുതല്‍ പാര്‍ട്ടി മെമ്പര്‍ഷിപ്പ് പുതുക്കിയിരുന്നില്ല. ഒരു വര്‍ഷമായി പാര്‍ട്ടി പരിപാടികളിലും പങ്കെടുത്തിരുന്നില്ലെന്നും സിപിഎം വിശദീകരണത്തില്‍ പറഞ്ഞു. എന്നാല്‍ ഇതുവരെ ഇയാള്‍ക്കെതിരെ പാര്‍ട്ടി തലത്തില്‍ നടപടികളൊന്നും എടുത്തിരുന്നില്ല. കഴിഞ്ഞ ദിവസം ചേര്‍ന്ന ജില്ല കമ്മിറ്റി യോഗത്തിലാണ് മനു തോമസിനെ പുറത്താക്കാന്‍ തീരുമാനമായത്.