വെഞ്ഞാറമൂട്: ഓടിക്കൊണ്ടിരുന്ന കെ.എസ്.ആര്‍.ടി.സി ബസിന് മുകളിലേക്ക് തെങ്ങ് ഒടിഞ്ഞ് വീണ് ഡ്രൈവര്‍ക്ക് പരുക്ക്.
പേരൂര്‍ക്കട ഡിപ്പോയിലെ ഡ്രൈവര്‍ റഷീദി (34) നാണ് പരുക്കേറ്റത്. ഇന്നലെ ഉച്ചയ്ക്ക് ഒന്നരയ്ക്ക് വട്ടപ്പാറക്ക് സമീപം ചിറ്റാഴയിലായിരുന്നു അപകടം. ഓടിക്കൊണ്ടിരുന്ന ബസ്സിനു മുകളിലേക്ക് റോഡരുകില്‍ നിന്ന തെങ്ങിന്റെ മുകള്‍ ഭാഗം ഒടിഞ്ഞു വീഴുകയായിരുന്നു. അപകടത്തില്‍ ബസ്സിന്റെ മുന്‍വശത്തെ ഗ്ലാസ് തകര്‍ന്നു. പരുക്കേറ്റ ഡ്രൈവറെ തിരുവനന്തപുരം മെഡിക്കല്‍ കോളജാശുപത്രിയില്‍ പ്രവേശിപ്പിച്ചു.