ആലപ്പുഴ:മാവേലിക്കര വഴുവാടിയില്‍ നിര്‍മാണത്തിലുള്ള കെട്ടിടത്തിന്റെ കോണ്‍ക്രീറ്റ് മേല്‍ക്കൂര ഇളകിവീണു രണ്ടു തൊഴിലാളികള്‍ മരിച്ചു. മാവേലിക്കര കല്ലുമല പുതുച്ചിറ ആനന്ദന്‍ (കൊച്ചുമോന്‍  50), ചെട്ടികുളങ്ങര പേള സ്വദേശി സുരേഷ് (55) എന്നിവരാണ് മരിച്ചത്.

വെള്ളിയാഴ്ച്ച ഉച്ചയ്ക്ക് 2.30 നായിരുന്നു അപകടം നടന്നത്. വീടിന്റെ തട്ട് പൊളിക്കുന്നതിനിടെ കോണ്‍ക്രീറ്റ് മേല്‍ക്കൂര തകര്‍ന്നുവീഴുകയായിരുന്നു. ഇരുവരും സംഭവസ്ഥലത്തുവച്ചുതന്നെ മരിച്ചു.