സ്‌കൂള്‍ പഠനത്തോടൊപ്പം തന്നെ ഐ.എ.എസ് പരിശീലനവും നല്‍കുന്ന പദ്ധതിയുമായി കോഴിക്കോട് ഫറൂഖ് കോളജ്. സെക്കന്‍ഡറി, ഹയര്‍സെക്കന്‍ഡറി വിദ്യാര്‍ഥികള്‍ക്ക് ഫാറൂഖ് കോളജ് പി.എം സിവില്‍ സര്‍വീസ് അക്കാദമി ആരംഭിക്കുന്ന ഐ.എ.എസ് ഫൗണ്ടേഷന്‍ പ്രോഗ്രാമിലേക്ക് സ്‌കോളര്‍ഷിപ്പോടെയാണ് പ്രവേശനം ലഭിക്കുക. ഇതിനുള്ള മെറിറ്റ് മാസ്റ്റര്‍ സ്‌കോളര്‍ഷിപ്പ് പരീക്ഷക്ക് അപേക്ഷ ക്ഷണിച്ചിട്ടുണ്ട്. 

സംസ്ഥാനത്തെ സര്‍ക്കാര്‍, എയ്ഡഡ്, അണ്‍ എയ്ഡഡ്, സിബിഎസ്ഇ സ്‌കൂളുകളിലെ എട്ട്, ഒന്‍പത്, പത്ത്, പ്ലസ് വണ്‍, പ്ലസ് ടു ക്ലാസുകളില്‍ പഠിക്കുന്ന വിദ്യാര്‍ഥികള്‍ക്കും സ്‌കോളര്‍ഷിപ്പിന് അപേക്ഷിക്കാം. ജൂലൈ 28ന് ഫാറൂഖ് കോളജില്‍ നടക്കുന്ന മെറിറ്റ് മാസ്റ്റര്‍ എന്‍ട്രന്‍സ് പരീക്ഷയില്‍ മികവ് തെളിയിക്കുന്നവര്‍ക്കാണ് അവസരം. 

ഞായറാഴ്ച്ചകളിലും മറ്റ് അവധി ദിവസങ്ങളിലുമായിരിക്കും ക്ലാസുകള്‍. അപേക്ഷ ഫോറം ലഭിക്കുന്നതിനായി www.farookcollege.ac.in സന്ദര്‍ശിക്കുക. അപേക്ഷ നല്‍കേണ്ട അവസാന തീയതി ജൂലൈ 5. അപേക്ഷിക്കുന്ന വിദ്യാര്‍ഥികള്‍ക്ക് ജൂലൈ 13ന് ഫാറൂഖ് കോളജില്‍ നടക്കുന്ന സെമിനാറില്‍ സിവില്‍ സര്‍വീസസ് മെറിറ്റ് മാസ്റ്റര്‍ സ്‌കോളര്‍ഷിപ്പിന്റെ വിശദവിവരങ്ങള്‍ നല്‍കും. 

സംശയങ്ങള്‍ക്ക്: 9188910722,  8547501775. 

വിദ്യാഭ്യാസ വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക