വിദേശ രാജ്യങ്ങളില്‍ പഠനം ആഗ്രഹിക്കുന്നവര്‍ ഏറ്റവും കൂടുതല്‍ തെരഞ്ഞെടുക്കുന്ന കോഴ്‌സുകളില്‍ പ്രധാനപ്പെട്ടതാണ് മെഡിക്കല്‍ അനുബന്ധ കോഴ്‌സുകള്‍. എം.ബി.ബി.എസ്, നഴ്‌സിങ്, മറ്റ് പാരാമെഡിക്കല്‍ കോഴ്‌സുകള്‍ എന്നിങ്ങനെ നിരവധി അവസരങ്ങളാണ് വിദേശ രാജ്യങ്ങളില്‍ നിങ്ങളെ കാത്തിരിക്കുന്നത്. കഴിഞ്ഞ കുറച്ച് നാളുകളായി ഇന്ത്യയില്‍ നിന്നടക്കം മെഡിക്കല്‍ പഠനത്തിനായി വിദേശ രാജ്യങ്ങളിലേക്ക് കടക്കുന്ന വിദ്യാര്‍ഥികളുടെ എണ്ണവും റോക്കറ്റ് വേഗത്തിലാണ് കുതിക്കുന്നത്. 

ഉയര്‍ന്ന നിലവാരമുള്ള സ്ഥാപനങ്ങള്‍, ലോകോത്തര ഫാക്കല്‍റ്റികള്‍, താരതമ്യേന കുറഞ്ഞ ചെലവ്, കൂടുതല്‍ സീറ്റുകള്‍, വേഗത്തില്‍ കോഴ്‌സ് പൂര്‍ത്തിയാക്കാം എന്നിവയൊക്കെ വിദേശത്ത് മെഡിസിന്‍ പൂര്‍ത്തിയാക്കാന്‍ ഇന്ത്യക്കാരെ പ്രേരിപ്പിക്കുന്ന ഘടകങ്ങളാണ്. കേരള സര്‍ക്കാര്‍ തന്നെ പുറത്തുവിട്ട കണക്കുകള്‍ പ്രകാരം 2023ല്‍ ഏകദേശം 2.5 ലക്ഷം വിദ്യാര്‍ഥികളാണ് കേരളത്തില്‍ നിന്നും വിദേശ രാജ്യങ്ങളിലേക്ക് പഠനത്തിനായി വിമാനം കയറിയത്. ഇവരില്‍ നല്ലൊരു ശതമാനവും മെഡിക്കല്‍ അനുബന്ധ കോഴ്‌സുകളാണ് തെരഞ്ഞെടുത്തതും. 

മികച്ച കരിയര്‍ സാധ്യതകള്‍ ലഭിക്കണമെങ്കില്‍ ഏറ്റവും മികച്ച സ്ഥാപനങ്ങളില്‍ തന്നെ പഠിക്കണം. അതിനായി മെഡിക്കല്‍ പഠനത്തിന്‍ മുന്നിട്ട് നില്‍ക്കുന്ന ലോകത്തിലെ ഏറ്റവും മികച്ച യൂണിവേഴ്‌സിറ്റികള്‍ ഏതാണെന്ന് നോക്കാം. 2024ലെ ടൈംസ് ഹയര്‍ എജ്യുക്കേഷന്‍ വേള്‍ഡ് യൂണിവേഴ്‌സിറ്റി റാങ്കിങ് അടിസ്ഥാനമാക്കിയാണ് ലിസ്റ്റ് തയ്യാറാക്കിയിരിക്കുന്നത്.

ഒന്നാമതായി ഓക്‌സ്‌ഫോര്‍ഡ്

108 രാജ്യങ്ങളിലെ 1906 യൂണിവേഴ്‌സിറ്റികളില്‍ നടത്തിയ പഠനങ്ങളില്‍ അമേരിക്കയിലെ ഓക്‌സ്‌ഫോര്‍ഡ് യൂണിവേഴ്‌സിറ്റിയാണ് ഒന്നാമതെത്തിയത്. തുടര്‍ച്ചയായി എട്ടാമത്തെ വര്‍ഷമാണ് മെഡിക്കല്‍ റാങ്കിങ്ങില്‍ ഓക്‌സ്‌ഫോര്‍ഡ് ഒന്നാമതെത്തുന്നത്. 21,750 വിദ്യാര്‍ഥികള്‍ പഠനം നടത്തുന്ന ഓക്‌സ്‌ഫോര്‍ഡില്‍ ഏകദേശം 42 ശതമാനവും അന്തര്‍ദേശീയ വിദ്യാര്‍ഥികളാണ് പഠിക്കുന്നത്. മാത്രമല്ല 23 ശതമാനവും ഇന്റര്‍ ഡിസിപ്ലിനറി സയന്‍സ് ഗവേഷണവും സ്ഥാപനം അനുവദിക്കുന്നു. 

മെഡിസിന്‍ പഠനത്തില്‍ ലോകത്തിലെ മികച്ച 15 യൂണിവേഴ്‌സിറ്റികള്‍

1. യൂണിവേഴ്‌സിറ്റി ഓഫ് ഓക്‌സ്‌ഫോര്‍ഡ്
2. സ്റ്റാന്‍ഫോര്‍ഡ് യൂണിവേഴ്‌സിറ്റി
3. ഹാര്‍വാര്‍ഡ് യൂണിവേഴ്‌സിറ്റി
4. യൂണിവേഴ്‌സിറ്റി ഓഫ് കേംബ്രിഡ്ജ്
5. ഇംപീരിയല്‍ കോളജ് ഓഫ് ലണ്ടന്‍
6. യേല്‍ യൂണിവേഴ്‌സിറ്റി
7. ETH സൂറിച്ച്
8. ഷിന്‍ഹുവ യൂണിവേഴ്‌സിറ്റി
9. ദി യൂണിവേഴ്‌സിറ്റി ഓഫ് ചിക്കാഗോ
10. പെകിങ് യൂണിവേഴ്‌സിറ്റി
11. ജോണ്‍സ് ഹോപ്കിന്‍സ് യൂണിവേഴ്‌സിറ്റി
12. യൂണിവേഴ്‌സിറ്റി ഓഫ് പെനിസില്‍വാനിയ
13. കൊളംബിയ യൂണിവേഴ്‌സിറ്റി
14. യൂണിവേഴ്‌സിറ്റി ഓഫ് കാലിഫോര്‍ണിയ
15. നാഷനല്‍ യൂണിവേഴ്‌സിറ്റി ഓഫ് സിങ്കപ്പൂര്‍

കരിയര്‍ വാര്‍ത്തകള്‍ ഓണ്‍ലൈനില്‍ ലഭിക്കാന്‍ ഈ ഗ്രൂപ്പ് ജോയിന്‍ ചെയ്യുക