കോടഞ്ചേരി: കോഴിക്കോട് ജില്ലയിലെ നാരങ്ങാത്തോട്, പതങ്കയത്ത് കുളിക്കാനിറങ്ങിയ യുവാവ് മുങ്ങി മരിച്ചു. ഇന്ന് ഉച്ചകഴിഞ്ഞ് മൂന്ന് മണിയോടെയാണ് സംഭവം. മലപ്പുറം വള്ളിക്കുന്ന് ആനങ്ങാടി സ്വദേശി റഹീസ് സഹിഷാദ് ( 20) ആണ് മരിച്ചത്.

മലപ്പുറം വള്ളിക്കുന്ന് ആനങ്ങാടി തൂലിക്കൽ അബ്ബാസിൻ്റെ മകനാണ്. പത്തം​ഗ സംഘമാണ് ഇവിടേക്ക് എത്തിയിരുന്നത്. എന്നാൽ റഹീസ് സഹിഷാദ് കയത്തിൽ അകപ്പെടുകയായിരുന്നു. ഒപ്പമുള്ളവരും, നാട്ടുകാരും ചേർന്ന് ഉടൻ രക്ഷാപ്രവർത്തനം നടത്തി കോടഞ്ചേരിയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം കോഴിക്കോട് മെഡിക്കൽ കോളേജ് മോർച്ചറിയിലേക്ക് മാറ്റി.