കൊൽക്കത്ത: ഐപിഎല്ലിൽ പുതിയ നാഴികക്കല്ല് സ്വന്തമാക്കി ചെന്നൈ സൂപ്പർ കിങ്‌സ് നായകൻ എംഎസ് ധോണി. ഐപിഎൽ ചരിത്രത്തിൽ 200 ഡിസ്മിസലുകൾ നടത്തുന്ന ആദ്യ താരമായാണ് ധോണി മാറിയത്. കൊൽക്കത്ത നൈറ്റ് റൈഡേഴ്സിനെതിരെയുള്ള മത്സരത്തിലാണ് ധോണി ഈ നേട്ടം കൈവരിച്ചത്. മത്സരത്തിൽ ഒരു സ്റ്റമ്പിങ്ങും ഒരു ക്യാച്ചുമാണ് ധോണി സ്വന്തമാക്കിയത്. 153 ക്യാച്ചുകളും 47 സ്റ്റമ്പിങ്ങുമാണ് ധോണി ഐപിഎല്ലിൽ സ്വന്തമാക്കിയത്. 174 ഡിസ്മിസലുകൾ നടത്തിയ ദിനേശ് കാർത്തിക് ആണ് ധോണിക്ക് പുറകിലുള്ളത്. 

മത്സരത്തിൽ ആദ്യം ബാറ്റ് ചെയ്ത കൊൽക്കത്ത 20 ഓവറിൽ ആറ് വിക്കറ്റ് നഷ്ടത്തിൽ 179 റൺസാണ് നേടിയത്. 33 പന്തിൽ 48 റൺസ് നേടിയ ക്യാപ്റ്റൻ അജിങ്ക്യ രഹാനെയാണ് കൊൽക്കത്തയുടെ ടോപ് സ്‌കോറർ. നാല് ഫോറുകളും രണ്ട് സിക്സുമാണ് താരം നേടിയത്. ആന്ദ്രേ റസ്സൽ 21 പന്തിൽ 38 റൺസും  മനീഷ് പാണ്ഡെ 28 പന്തിൽ 36 റൺസും നേടി മികച്ച പ്രകടനം നടത്തി. 

കൊൽക്കത്ത നൈറ്റ് റൈഡേഴ്‌സ് പ്ലെയിങ് ഇലവൻ 

റഹ്മാനുള്ള ഗുർബാസ്(വിക്കറ്റ് കീപ്പർ), സുനിൽ നരെയ്ൻ, അജിങ്ക്യ രഹാനെ(ക്യാപ്റ്റൻ), അംഗ്കൃഷ് രഘുവംശി, മനീഷ് പാണ്ഡെ, ആന്ദ്രെ റസൽ, റിങ്കു സിംഗ്, മോയിൻ അലി, രമൺദീപ് സിംഗ്, വൈഭവ് അറോറ, വരുൺ ചക്രവർത്തി.

ചെന്നൈ സൂപ്പർ കിംഗ്‌സ് പ്ലെയിങ് ഇലവൻ

ആയുഷ് മാത്രേ, ഉർവിൽ പട്ടേൽ, ഡെവൺ കോൺവേ, രവീന്ദ്ര ജഡേജ, ഡെവാൾഡ് ബ്രെവിസ്, രവിചന്ദ്രൻ അശ്വിൻ, എംഎസ് ധോണി(വിക്കറ്റ് കീപ്പർ/ക്യാപ്റ്റൻ), അൻഷുൽ കംബോജ്, നൂർ അഹമ്മദ്, ഖലീൽ അഹമ്മദ്, മതീശ പതിരാന.

ms dhoni create a historical record in ipl