തിരുവനന്തപുരം: തിരുവനന്തപുരത്തെ അമരവിള ചെക്ക് പോസ്റ്റിൽ നിന്നും കഞ്ചാവ് പിടികൂടി. നാലര കിലോയോളം വരുന്ന കഞ്ചാവാണ് പിടികൂടിയത്. നാഗർകോവിൽ നിന്നും തിരുവനന്തപുരത്തേക്ക് വരുകയായിരുന്ന തമിഴ്നാട് ബസ്സിൽ നിന്നുമാണ് കഞ്ചാവ് പിടിച്ചെടുത്തത്. ബംഗാൾ സ്വദേശികളായ പരിമൾ മണ്ഡൽ, പഞ്ചനൻ മണ്ഡൽ എന്നിവരുടെ കൈവശമുണ്ടായിരുന്ന രണ്ട് തുണി സഞ്ചികളിൽ നിന്നാണ് കഞ്ചാവ് കണ്ടെത്തിയത്. 

സ്വാമിമാരുടെ വേഷത്തിൽ ആയിരുന്നു ഇവർ ഉണ്ടായിരുന്നത്. മൂന്ന് കിലോ 600 ഗ്രാം ഭാരമുള്ള മുന്തിയ ഇനം കഞ്ചാവാണ് ഇവരിൽ നിന്നും പിടികൂടിയത്. കഞ്ചാവ് ചെടി ശേഖരിച്ച് ചെറിയ കഷണങ്ങളാക്കി ഉണക്കിയ നിലയിലാണ് കഞ്ചാവ് ഉണ്ടായിരുന്നത്. പാച്ചല്ലൂർ സ്വദേശിക്ക് വേണ്ടിയാണ് ഈ കഞ്ചാവ് കൊണ്ടുവന്നതെന്നാണ് പ്രതികൾ പറഞ്ഞത്.

Two arrested for smuggling ganja disguised as fake Swamis