പബ്ലിക് സര്‍വീസ് കമ്മീഷനില്‍ രജിസ്റ്റര്‍ ചെയ്തവര്‍ക്ക് പ്രൊഫൈല്‍ ലോഗിന്‍ ചെയ്യാന്‍ ഒടിപി സംവിധാനം നടപ്പില്‍ വരുത്തി. ആദ്യ ഘട്ടം നിലവിലെ യൂസര്‍ ഐഡിയും പാസ് വേര്‍ഡും ഉപയോഗിച്ച് ഉദ്യോഗാര്‍ഥികള്‍ ലോഗിന്‍ ചെയ്യുമ്പോള്‍ പ്രൊഫൈലില്‍ രജിസ്റ്റര്‍ ചെയ്ത മൊബൈല്‍ നമ്പറും, ഇ-മെയില്‍ വിലാസവും അടങ്ങിയ സ്‌ക്രീന്‍ പ്രത്യക്ഷപ്പെടും. 

മൊബൈല്‍ നമ്പറും ഇ-മെയില്‍ വിലാസവും ഉപയോഗിത്തിലുള്ളതാണെന്ന് ഉദ്യോഗാര്‍ഥികള്‍ ഉറപ്പുവരുത്തണം. അല്ലാത്തപക്ഷം ആവശ്യമായ തിരുത്തല്‍ വരുത്തണം. ഒടിപി സംവിധാനം ഉപയോഗിച്ച് അവ വെരിഫൈ ചെയ്തിട്ടുണ്ടെന്നും ഉറപ്പാക്കണം. 

ഉദ്യോഗാര്‍ഥികളുടെ പാസ്‌വേര്‍ഡ് നിബന്ധനകള്‍ക്കനുസരിച്ച് പുതുക്കാനുള്ള സ്‌ക്രീന്‍ തുടര്‍ന്ന് പ്രത്യക്ഷപ്പെടും. അതിന് ശേഷം യൂസര്‍ ഐഡിയും പുതുക്കിയ പാസ് വേഡും ഉപയോഗിച്ച് പ്രൊഫൈല്‍ ലോഗിന്‍ ചെയ്യുമ്പോള്‍ ഇതിനോടകം വെരിഫൈ ചെയ്ത നമ്പറിലോ ഇ-മെയില്‍ വിലാസത്തിലോ ലഭ്യമാകുന്ന ഒടിപി രേഖപ്പെടുത്തി ഉദ്യോഗാര്‍ഥികള്‍ക്ക് പ്രൊഫൈലില്‍ പ്രവേശിക്കാന്‍ സാധിക്കും.  

കൂടുതൽ പി.എസ്.സി വാർത്തകള്‍ക്ക് ഗ്രൂപ്പിൽ ജോയിന്‍ ചെയ്യുക