ആന്റി ഓക്‌സിഡന്റുകളും കഫീക് ആസിഡും ധാരാളം അടങ്ങിയ കോഫി കുടിക്കാന്‍ മാത്രമല്ല, ചര്‍മ സംരക്ഷണത്തിനും ഏറെ നല്ലതാണ്.ആന്റി ഓക്‌സിഡന്റുകള്‍ ധാരാളമടങ്ങിയ കോഫി ചര്‍മത്തിലെ കരുവാളിപ്പ്, കറുത്തപാടുകള്‍, ചുളിവുകള്‍ എന്നിവ തടയാനും മുഖം ചെറുപ്പമായിരിക്കാനും സഹായിക്കും.

ആന്റി ഓക്‌സിഡന്റുകളും ആന്റി ഏജിങ് ഗുണങ്ങളുമുള്ള കോഫി ആരോഗ്യത്തിന് അദ്ഭുതകരമാണ്. ചര്‍മത്തിലെ ഫ്രീ റാഡിക്കലിനെ ഇല്ലാതാക്കുന്ന കോഫി, ആരോഗ്യകരമായ ചര്‍മത്തിനും ചര്‍മത്തിന്റെ നിറം വര്‍ധിപ്പിക്കാനും സഹായിക്കുന്നു.

കോഫി -ഒലിവ് ഓയില്‍

രണ്ട് ടീസ്പൂണ്‍ കാപ്പിപ്പൊടിയിലേക്ക് രണ്ടു ടീസ്പൂണ്‍ ഒലിവ് ഓയില്‍ ചേര്‍ത്ത് മിശ്രിതമാക്കി മുഖത്തു പുരട്ടാം. 20 മിനിറ്റ് ശേഷം കഴുകിക്കളയാം. മുഖത്തെ കരുവാളിപ്പ് മാറ്റാനും ചര്‍മം തിളങ്ങാനും ഇത് സഹായിക്കും.

കോഫി -തേന്‍

രണ്ട് ടീസ്പൂണ്‍ കാപ്പിപ്പൊടിയിലേക്ക് രണ്ട് ടീസ്പൂണ്‍ തേന്‍ചേര്‍ത്ത് മിശ്രിതമാക്കി മുഖത്തുപുരട്ടാം. 20 മിനിറ്റിന് ശേഷം കഴുകിക്കളയാം. മുഖത്തെ  ചുളിവുകളെ തടയാന്‍ ഈ പാക്ക് സഹായിക്കും.

കാപ്പിപൊടി തൈര്  ഫേസ് പാക്ക് 

കാപ്പിപ്പൊടിയും തൈരും യോജിപ്പിച്ച് കട്ടിയുള്ള ഒരു പേസ്റ്റുണ്ടാക്കുക. ഇത് മുഖത്തും കഴുത്തിലും തേച്ചു പിടിപ്പിക്കുക. 20 മിനിറ്റിനു ശേഷം കഴുകിക്കളയുക. 

കാപ്പിപൊടിയും പാലും
കാപ്പിപ്പൊടിയില്‍ പാല്‍ ചേര്‍ത്ത് മിക്‌സ് ചെയ്തു പേസ്റ്റ് രൂപത്തിലാക്കി മുഖത്തും കഴുത്തിലുമിടുക. 
20 മിനിറ്റിനു ശേഷം കഴുകിക്കളയുക. 

(മുഖത്ത് എന്തേ തേയ്ക്കുമ്പോഴും അലര്‍ജിയുണ്ടോയെന്ന് ടെസ്റ്റ് ചെയ്തിട്ടു മാത്രം തേയ്ക്കുക).