കുവൈത്ത്സിറ്റി: കുവൈത്ത് കെഎംസിസി ബാലുശ്ശേരി മണ്ഡലം കമ്മിറ്റിയുടെ ആഭിമുഖ്യത്തിൽ ജൂലൈ 26 വെള്ളിയാഴ്ച്ച ഫർവാനിയ മെട്രോ മെഡിക്കൽ കെയർ കോർപറേറ്റ്  ഓഡിറ്റോറിയത്തിൽ വെച്ച് സംഘടിപ്പിക്കുന്ന 'ആദരം 2024' ന്റെ പ്രചാരണ പോസ്റ്റർ പ്രകാശനം ചെയ്തു. കുവൈത്ത് കെഎംസിസി സംസ്ഥാന പ്രസിഡന്റ് സയ്യിദ് നാസർ അൽ മശ്ഹൂർ തങ്ങൾ പ്രകാശനം നിർവഹിച്ചു.

മണ്ഡലത്തിലെ കെഎംസിസി പ്രവർത്തകരുടെ മക്കളിൽ നിന്നും എസ്എസ്എൽസി, പ്ലസ്ടു, ഡിഗ്രി പരീക്ഷകളിൽ ഉന്നത വിജയം കൈവരിച്ച വിദ്യാർഥികൾക്ക് നൽകുന്ന വിദ്യാഭ്യാസ അവാർഡ് വിതരണം, കുവൈത്ത് പ്രവാസ ജീവിതത്തിൽ മുപ്പതുവർഷം പൂർത്തിയാക്കിയവർക്കുള്ള ആദരം, ഭാഷ അനുസ്മരണ പ്രഭാഷണം തുടങ്ങിയവ 'ആദരം 2024' നോടാനുബന്ധിച്ചു നടക്കും. കോയ കക്കോടി ഭാഷ അനുസ്മരണ പ്രഭാഷണം നിർവഹിക്കും.

പോസ്റ്റർ പ്രകാശന ചടങ്ങിൽ മണ്ഡലം പ്രസിഡന്റ് ഇസ്മായിൽ വള്ളിയോത്ത് അധ്യക്ഷത വഹിച്ചു. സംസ്ഥാന ജനറൽ സെക്രെട്ടറി മുസ്തഫ കാരി, ട്രഷറർ ഹാരിസ് വള്ളിയോത്ത്, വൈസ് പ്രസിഡന്റുമാരായ സയ്യിദ് റൗഫ് മഷ്ഹൂർ തങ്ങൾ, ഇഖ്ബാൽ മാവിലാടം, സെക്രട്ടറി ഗഫൂർ വയനാട്, മണ്ഡലം നേതാക്കളായ റഷീദ് നാറാത്ത്, ഷബാദ് അത്തോളി, കരീം സി കെ, നൗഷാദ് കിനാലൂർ, അഷ്‌റഫ്‌ നേരോത്ത് തുടങ്ങിയവർ സംബന്ധിച്ചു. മണ്ഡലം ആക്ടിങ് ജനറൽ സെക്രെട്ടറി ഹിജാസ് അത്തോളി സ്വാഗതവും ട്രഷറർ ഹർഷദ് കായണ്ണ നന്ദിയും പറഞ്ഞു.