കുവൈത്ത് സിറ്റി:കുവൈത്തിൽ പ്രവാസികൾക്ക് ഫാമിലി വിസയ്ക്ക് അപേക്ഷിക്കുന്നതിന് എതെങ്കിലും അം​ഗീകൃത യൂണിവേഴ്സിറ്റിയുടെ ഡിഗ്രി നിർബന്ധമാണെന്ന വ്യവസ്ഥ  ഒഴിവാക്കിയതായി സൂചന. കുവൈത്ത് ആഭ്യന്തര മന്ത്രാലയത്തിലെ സ്രോതസ്സുകളെ ഉദ്ധരിച്ച് കൊണ്ട് പ്രാദേശിക മാധ്യമങ്ങളാണ് ഇക്കാര്യം പുറത്തുവിട്ടത്.

ഇതുമായി ബന്ധപ്പെട്ട തീരുമാനം കുവൈത്ത് ആഭ്യന്തര മന്ത്രാലയം 2024 ജൂലൈ 15-ന് എടുത്തതായി മാധ്യമങ്ങൾ പുറത്തുവിട്ട റിപ്പോർട്ടിൽ പറയുന്നു. ഈ തീരുമാനം അനുസരിച്ച് പ്രവാസികൾക്ക് അവരുടെ 14 വയസിന് താഴെ പ്രായമുള്ള കുട്ടികൾ, ഭാര്യ എന്നിവരെ കുവൈത്തിലേക്ക്  കൊണ്ട് വരുന്നതിന് യൂണിവേഴ്സിറ്റി ഡിഗ്രി നിർബന്ധമാണെന്ന വ്യവസ്ഥ മാറ്റിയിട്ടുണ്ട്.ഈ നിയമം മാറുന്നതോടെ കുവൈത്തിൽ എണ്ണൂറ് ദിനാർ എന്ന വേതനപരിധിയിൽ വരുന്ന പ്രവാസികൾക്ക് ഫാമിലി വിസയ്ക്ക് അപേക്ഷിക്കാൻ സാധിക്കുന്നതാണ്.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക