സഊദി അറേബ്യ ഇ-വിസ മൂന്ന് പുതിയ രാജ്യങ്ങളിലെ പൗരന്‍മാരെ കൂടി ഉള്‍പ്പെടുത്തി വിപുലീകരിച്ചു. ബാര്‍ബഡോസ്, കോമണ്‍ വെല്‍ത്ത് ഓഫ് ദി ബഹാമസ്, ഗ്രെനഡ എന്നിവയാണ് പുതിയ രാജ്യങ്ങള്‍. ഈ രാജ്യങ്ങളിലെ പൗരന്‍മാര്‍ക്ക് അവരുടെ വിസ ഓണ്‍ലൈനായി അപേക്ഷിച്ചോ സഊദി എന്‍ട്രി പോയിന്റുകള്‍ വഴിയോ സ്വന്തമാക്കാം.

പുതിയരാജ്യങ്ങളില്‍ നിന്നുള്ള പൗരന്‍മാര്‍ക്ക് പുറമേ യുകെ,യുഎസ്, ഷെഞ്ചന്‍ ഏരിയ എന്നിവിടങ്ങളില്‍ നിന്നുള്ള സന്ദര്‍ശക വിസയെടുത്തവര്‍ക്കും വിസ നീട്ടി നല്‍കിയിട്ടുണ്ട്. ഉംറ തീര്‍ത്ഥാടനം, കുടുംബാംഗങ്ങളെയും സുഹൃത്തുക്കളെയും സന്ദര്‍ശിക്കുന്നതിന്,എക്‌സിബിഷണുകള്‍, കോണ്‍ഫറന്‍സുകള്‍, എന്നിങ്ങനെ വിവിധ പരിപാടികളില്‍ പങ്കെടുക്കാനെത്തിയ ജിസിസി രാജ്യങ്ങളിലെ താമസക്കാര്‍ക്കും വിസക്ക് അര്‍ഹതയുണ്ട്. 

സഊദിയിലെയും ഫ്‌ളൈനാസ് എയര്‍ലൈനുകളിലെയും യാത്രക്കാര്‍ക്ക് ട്രാന്‍സിറ്റ് വിസയും ഏര്‍പ്പെടുത്തിയിരിക്കുന്നു. ഇത് പ്രകാരം യാത്ര തുടരുന്നതിന് മുമ്പ് 96 മണിക്കൂര്‍ വരെ രാജ്യത്ത് തുടരാന്‍ അനുമതി ലഭിക്കും. സഊദിയുടെ ടൂറിസ്റ്റ് ഓഫറുകള്‍ പ്രദര്‍ശിപ്പിക്കാനും, അന്താരാഷ്ട്ര ആശയവിനിമയം പ്രോത്സാഹിപ്പിക്കുന്നതിനുമായി 2019 സെപ്തംബറിലാണ് സഊദി ടൂറിസം മന്ത്രാലയം വിസിറ്റിങ്ങ് വിസ അവതരിപ്പിച്ചത്. 

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക