മലപ്പുറം:പ്ലസ് വണ്‍ പ്രതിസന്ധി സംബന്ധിച്ച പ്രൊഫ.കാര്‍ത്തികേയന്‍ കമ്മറ്റി സര്‍ക്കാറിന് സമര്‍പ്പിച്ച റിപ്പോര്‍ട്ടില്‍ അടയളപ്പെടുത്തിയത് മലബാറിലെ സ്‌കൂള്‍ വിദ്യാര്‍ഥികളുടെ പരാധീനതകള്‍ മാത്രം.2014-15,2015,2016 വര്‍ഷങ്ങളില്‍ പുതുതായി ഹയര്‍സെകന്‍ഡറി ബാച്ചുകള്‍ അനുവദിച്ചപ്പോള്‍ അപ്‌ഗ്രേഡ് ചെയ്യാത്ത സ്‌കൂളുകളെയാണ് പരിഗണിച്ചത്.

വര്‍ഷങ്ങളായി കേരള സിലബസും മറ്റു സിലബസുകളിലും പഠിക്കുന്ന വിദ്യാര്‍ഥികള്‍ ഹയര്‍സെകന്‍ഡറിക്ക് അപേക്ഷ നല്‍കുന്നവരുടെ എണ്ണം വര്‍ധിക്കുകയാണ്.ഇതും മലബാറിലാണ്.ആയതിനാല്‍ നിര്‍ദേശിക്കുന്ന സ്‌കൂളുകളില്‍ അഡീഷണല്‍ ബാച്ച് നല്‍കി മൂന്ന് വര്‍ഷം കുട്ടികളുണ്ടെങ്കില്‍ അവ സ്ഥിരപ്പെടുത്തണമെന്നാണ് കമ്മറ്റി സര്‍ക്കാറിനോട് ശുപാര്‍ശ ചെയ്തത്.ജനപ്രതിനിധികള്‍,തദ്ദേസശ സ്ഥപാനങ്ങള്‍,മാനേജര്‍മാര്‍,പി.ടി.എകള്‍,അധ്യാപക സംഘടനകള്‍ തുടങ്ങിയ 189 പേരില്‍ നിന്ന് നിര്‍ദേശങ്ങളും അപേക്ഷകളും സ്വീകരിച്ചാണ് കമ്മറ്റി പരിശോധിച്ചത്.

ഇതോടൊപ്പം ഹയര്‍സെകന്‍ഡറി ഏക ജാലക പ്രവേശന നടപടികള്‍ കൈകാര്യം ചെയ്യുന്ന ഐ.സി.ടി.സെല്ലില്‍ നിന്നും മുന്‍വര്‍ഷങ്ങളിലെ ഡാറ്റ ലഭ്യാമക്കി പരിശോധിച്ചു.പ്രാദേശിക വിവരങ്ങള്‍ വിലയിരുത്തുന്നതിന് റീജിയണല്‍ ഡെപ്യൂട്ടി ഡയറക്ടര്‍മാരുടേയും ജില്ലാകോഡിനേറ്റര്‍മാരുടേയും റിപ്പോര്‍ട്ടുകളും ലഭ്യമാക്കി.തുടര്‍ന്നാണ് കമ്മറ്റി റിപ്പോര്‍ട്ട് തയ്യാറാക്കിയത്.ഹയര്‍സെകന്‍ഡറി വിഭാഗം മുന്‍ ഡയറക്ടര്‍ പ്രൊഫ.വി കാര്‍ത്തികേയന്‍ നായര്‍ ചെയര്‍മാനും,ബി ബാബുരാജ്,ഡോ.പി.എം അനില്‍,അശോക് കുമാര്‍,ആര്‍.സുരേഷ് കുമാര്‍ എന്നിവർ അംഗങ്ങളുമായ കമ്മീഷനാണ് റിപ്പോര്‍ട്ട് സര്‍ക്കാറിന് സമര്‍പ്പിച്ചത്. രണ്ട് വർഷം മുമ്പ് നൽകിയ റിപ്പോർട്ട് സർക്കാർ ഇതുവരെ പുറത്ത് വിട്ടിരുന്നില്ല.