കൊച്ചി: സമര്‍ഥരായ ക്രിക്കറ്റ് താരങ്ങളെ കണ്ടെത്തി ലോകോത്തര നിലവാരമുള്ള ബൗളര്‍മാരെ വാര്‍ത്തെടുക്കുക എന്ന ലക്ഷ്യത്തോടെ കേരളത്തില്‍ ബൗളിങ് ഫൗണ്ടേഷനു തുടക്കം കുറിക്കുന്നു. കേരള ക്രിക്കറ്റ് അസോസിയേഷനും ഐ.ഡി.ബി.ഐ ഫെഡറല്‍ ലൈഫ് ഇന്‍ഷുറന്‍സും സഹകരിച്ചാണ് ഫൗണ്ടേഷന്‍ സ്ഥാപിച്ചിരിക്കുന്നത്. ആസ്‌ത്രേലിയന്‍ ഫാസ്റ്റ് ബൗളര്‍ ജെഫ് തോംസാനാണ് പരിശീലകന്‍. സംസ്ഥാനത്ത് പ്രദേശിക, രാജ്യാന്തര മത്സരങ്ങള്‍ എന്ന ലക്ഷ്യവും ഫൗണ്ടേഷനുണ്ട്.

നാളെ മുതല്‍ 16 വരെ ജെഫ് തോംസന്‍ വയനാട്ടില്‍ കുട്ടികള്‍ക്ക് പരിശീലനം നല്‍കും. രഞ്ജി ട്രോഫിക്കായുള്ള അണ്ടര്‍ 23, അണ്ടര്‍ 19 ബൗളര്‍മാരെയും ജെഫ് തോംസന്‍ പരിശീലിപ്പിക്കും. അടുത്ത ഏപ്രിലില്‍ ടിനു യോഹന്നാനും ജെഫ് തോംസനൊപ്പം കളിക്കാരെ പരിശീലിപ്പിക്കും. മെയില്‍ ഓപണ്‍ സെലക്ഷന്‍ ട്രയല്‍സും നടത്തും.