ദുബൈ: യുഎഇയിൽ ഉള്ള നിങ്ങളുടെ തൊഴിലുടമ നിങ്ങളോടോ നിങ്ങളുടെ സഹപ്രവർത്തകരോടോ ചെയ്യുന്ന അന്യായമായ നടപടികളിൽ നിങ്ങൾക്ക് പരാതി നൽകാം. 2021 ലെ ഫെഡറൽ ഡിക്രി നിയമം നമ്പർ 33-ൻ്റെ വ്യവസ്ഥകൾ പാലിക്കേണ്ടത് തൊഴിലുടമയുടെ കടമയാണ്. അതിലെ വ്യവസ്ഥകൾ പാലിച്ചില്ലെങ്കിൽ പരാതി നൽകാവുന്നതാണ്. പരാതിയിൽ ഉടൻ നടപടി ഉണ്ടാകും.

തൻ്റെ തൊഴിലുടമയുടെ അന്യായമായ നടപടികൾ, തൊഴിലിനെ ബാധിക്കുന്ന ഒരു ജീവനക്കാരന് 2023 ലെ ഫെഡറൽ ഡിക്രി നിയമത്തിൻ്റെ നമ്പർ 20-ൻ്റെ വ്യവസ്ഥകൾ പ്രകാരം 2021 ലെ 33-ാം നമ്പർ ഫെഡറൽ ഡിക്രി നിയമത്തിലെ വ്യവസ്ഥകൾ അനുസരിച്ച് തൊഴിൽ പരാതി ഫയൽ ചെയ്യാവുന്നതാണ്.

യുഎഇ തൊഴിൽ നിയമത്തിലെ ആർട്ടിക്കിൾ 60 ൽ പറഞ്ഞിരിക്കുന്നത് പ്രകാരം, കനത്ത പിഴയാണ് നിയമം ലംഘിക്കുന്ന തൊഴിലുടമയെ കാത്തിരിക്കുന്നത്. 50,000 ദിർഹം മുതൽ 200,000 ദിർഹം വരെ പിഴയാണ് ലഭിക്കുക. എന്നാൽ പിഴ 200,000 ദിർഹത്തിൽ കൂടരുത് എന്നും നിയമത്തിൽ പറയുന്നു.

ഈ നിയമപ്രകാരം പരാതി നൽകാവുന്ന കാര്യങ്ങൾ ഇവയാണ്:

1. MoHRE മന്ത്രാലയത്തിന്റെ പെർമിറ്റ് ഇല്ലാത്ത ഒരാളെ ജോലിക്ക് നിയമിക്കുക.

2. ഒരു ജീവനക്കാരനെ ജോലിക്ക് റിക്രൂട്ട് ചെയ്തതിന് ശേഷം ജോലി നൽകാതിരിക്കുക.

3. നിങ്ങളുടെ വർക്ക് പെർമിറ്റുകൾ ഇഷ്യൂ ചെയ്ത ജോലിക്കല്ലാതെ മറ്റ് ആവശ്യങ്ങൾക്ക് ഉപയോഗിക്കുക.

4. ജീവനക്കാരുടെ അവകാശങ്ങൾ നൽകാതെ ഒരു സ്ഥാപനത്തിൻ്റെ പ്രവർത്തനം അവസാനിപ്പിക്കുക.

5. പ്രായപൂർത്തിയാകാത്ത ഒരാളെ ജോലിക്ക്  നിയമിക്കുന്നു.

കൂടാതെ, ഒരു തൊഴിലുടമയുടെ മറ്റ് അന്യായമായ നടപടികൾക്കുള്ള സാമ്പത്തിക പിഴകൾ യുഎഇ തൊഴിൽ നിയമത്തിലെ ആർട്ടിക്കിൾ 58 മുതൽ ആർട്ടിക്കിൾ 63 വരെ പരാമർശിച്ചിരിക്കുന്നു.