ടോക്ക്യോ: ജപ്പാനില്‍ ശക്തമായ ഭൂചലനം. 7.1 തീവ്രത രേഖപ്പെടുത്തിയ ഭൂചലനമാണ് ഉണ്ടായത്. പടിഞ്ഞാറന്‍ ദ്വീപായ ക്യുഷുവിലെ മിയാസാക്കി പ്രിഫെക്ചറിലാണ് പ്രഭവ കേന്ദ്രം. പ്രാദേശിക സമയം പുലര്‍ച്ചെ 4.43നാണ് ഭൂചലനമുണ്ടായതെന്ന് ജപ്പാന്‍ കാലാവസ്ഥാ ഏജന്‍സി അറിയിച്ചു. 

ക്യുഷുവിന്റെ തെക്കന്‍ തീരത്തും അടുത്തുള്ള ദ്വീപായ ഷിക്കോകു ദ്വീപിലും 3.3 അടി വരെ ഉയരത്തില്‍ തീരമാലകള്‍ ഉണ്ടാകുമെന്നുമെന്നും കാലാവസ്ഥാ ഏജന്‍സി അറിയിച്ചു. 

ഭൂകമ്പത്തെ നേരിടാന്‍ ജപ്പാന്‍ സര്‍ക്കാര്‍ പ്രത്യേക ടാസ്‌ക് ഫോഴ്‌സ് രൂപവത്കരിച്ചതായി എ.എഫ്.പി റിപ്പോര്‍ട്ട് ചെയ്തു. കാര്യമായ നാശനഷ്ടങ്ങളൊന്നും റിപ്പോര്‍ട്ട് ചെയ്തിട്ടില്ല.