ന്യൂഡൽഹി: രാജ്യത്ത് ഏറെ കോളിളക്കം സൃഷ്‌ടിച്ച വ്യവസായി ഗൗതം അദാനികെതിരായ റിപ്പോർട്ടിന് പിന്നാലെ ഹിൻഡൻബർഗ് റിസർച്ച് വലിയ വെളിപ്പെടുത്തലിന് ഒരുങ്ങുന്നതായി റിപ്പോർട്ട്. സമൂഹ മാധ്യമമായ എക്സിൽ പങ്കുവെച്ച കുറിപ്പിൽ ഇന്ത്യയെ കുറിച്ച് വലിയ വെളിപ്പെടുത്തൽ നടത്താൻ ഒരുങ്ങുന്നുവെന്ന് ഹിൻഡൻബർഗ് വെളിപ്പെടുത്തി. Something big soon India എന്നാണ് ട്വീറ്റിൽ പങ്കുവെച്ചിരിക്കുന്നത്. എന്താണ് സംഭവം എന്നോ മറ്റോ യാതൊരു സൂചനയും പുറത്തുവന്നിട്ടില്ല.

കഴിഞ്ഞ വർഷം പുറത്തുവിട്ട അദാനിയെക്കുറിച്ചുള്ള റിപ്പോർട്ട് നേരത്തെ വൻ കോളിളക്കം ഉണ്ടാക്കിയിരുന്നു. ഓഹരി വിപണിയുമായി ബന്ധപ്പെട്ട് അദാനി ഗ്രൂപ്പ് കൃത്രിമത്വം കാട്ടിയെന്നാണ് ഹിൻഡൻബർഗ് നേരത്തെ പുറത്ത് വിട്ട റിപ്പോർട്ട്. 2023 ജനുവരി 24നായിരുന്നു അദാനി ഗ്രൂപ്പിൽ അടിമുടി തട്ടിപ്പാണെന്ന റിപ്പോർട്ട് ഹിൻഡൻബർഗ് പുറത്തുവിട്ടത്. 

അദാനി എൻ്റർപ്രൈസസിൻ്റെ ആസൂത്രിത ഓഹരി വിൽപ്പനയ്ക്ക് തൊട്ടുമുമ്പ് അദാനി ഗ്രൂപ്പിനെ നിശിതമായി വിമർശിച്ചുകൊണ്ട് ഹിൻഡൻബർഗ് റിസർച്ച് ഒരു റിപ്പോർട്ട് പ്രസിദ്ധീകരിച്ചത. റിപ്പോർട്ടിന് പിന്നാലെ അദാനി ഗ്രൂപ്പിൻ്റെ ഓഹരികളുടെ വിപണി മൂല്യത്തിൽ 86 ബില്യൺ ഡോളറിൻ്റെ ഇടിവുണ്ടാക്കുകയും വിദേശ ലിസ്റ്റ് ചെയ്ത ബോണ്ടുകളുടെ ഗണ്യമായ വിൽപ്പനയ്ക്ക് കാരണമാവുകയും ചെയ്തു. ലോകത്തിലെ മൂന്നാമത്തെ ധനികൻ എന്ന പദവിയിൽ നിന്ന് 38-ാം സ്ഥാനത്തേക്ക് അദാനി വീഴുകയും ചെയ്തു.

കഴിഞ്ഞ മാസം സെക്യൂരിറ്റീസ് ആൻഡ് എക്സ്ചേഞ്ച് ബോർഡ് ഓഫ് ഇന്ത്യ (സെബി) ഹിൻഡെൻബർഗ് റിസർച്ചിന് നോട്ടിസ് നൽകിയിരുന്നു. അദാനി ഗ്രൂപ്പ് ഓഹരി തട്ടിപ്പ് വെളിപ്പെടുത്തിയതിൽ കാരണം കാണിക്കൽ നോട്ടിസാണ് നൽകിയത്. കാരണം കാണിക്കൽ നോട്ടിസ് ലഭിച്ച വിവരം 
ഹിൻഡൻബർഗ് തന്നെയാണ് പുറത്തുവിട്ടത്. ഇന്ത്യൻ നിയമങ്ങൾ ലംഘിച്ചെന്നാണ് നോട്ടിസിൽ പറയുന്നത്. അദാനി ഗ്രൂപ്പിനെക്കുറിച്ചുള്ള റിപ്പോർട്ടിൻ്റെ മുൻകൂർ പകർപ്പ് ഹിൻഡൻബർഗ് പൊതു റിലീസിന് ഏകദേശം രണ്ട് മാസം മുമ്പ് ന്യൂയോർക്ക് ഹെഡ്ജ് ഫണ്ട് മാനേജർ മാർക്ക് കിംഗ്ഡണുമായി പങ്കിട്ടതായും സെബി ആരോപിച്ചിരുന്നു.

Hindenburg Research, the firm that recently released a report on Gautam Adani, is set to make another big revelation about India. In a tweet, Hindenburg said "Something Big Soon India" without giving any hints about the nature of the revelation.