തിരുവനന്തപുരം: കാട്ടാക്കട സി.പി.എം പാര്‍ട്ടി ഓഫിസ് ആക്രമിച്ച സംഭവത്തില്‍ അഞ്ച്പേരെ പൊലിസ് കസ്റ്റഡിയിലെടുത്തു. എസ്.ഡി.പി.ഐ പ്രവര്‍ത്തകരാണ് പിടിയിലായത്. ഇവര്‍ പല ക്രിമിനല്‍ കേസുകളിലും പ്രതികളാണെന്ന് പൊലിസ് പറഞ്ഞു. 

ഇന്നലെ രാത്രി 10 മണിയോടെയാണ് ആക്രമണം ഉണ്ടായത്. ഇരുചക്രവാഹനങ്ങളിലെത്തിയ സംഘം ഓഫിസ് ആക്രമിക്കുകയും പുറത്തുണ്ടായിരുന്ന പ്രവര്‍ത്തകര്‍ക്ക് നേരെ വാള്‍ വീശുകയുമായിരുന്നു. ആക്രമണത്തില്‍ 2 ഡി.വൈ.എഫ്.ഐ പ്രവര്‍ത്തകര്‍ക്ക് വെട്ടേറ്റു. ഇവര്‍ നെയ്യാറ്റിന്‍കര ആശുപത്രിയില്‍ ചികിത്സയിലാണ്. 

ഡി.വൈ.എഫ്.ഐ. പ്രവര്‍ത്തകരായ അമല്‍, അഖില്‍ എന്നിവരും കസ്റ്റഡിയിലുണ്ട്. ഇവരുമായി കഴിഞ്ഞദിവസം നടന്ന തര്‍ക്കത്തിന്റെ ഭാഗമായാണ് പാര്‍ട്ടി ഓഫീസില്‍ അക്രമം നടന്നതെന്ന് പൊലിസ് പറഞ്ഞു.