ആനക്കര:  തിരുമിറ്റക്കോട് പഞ്ചായത്തിലെ വെള്ളടിക്കുന്നില്‍ ബി.ജെ.പി സി.പി.എം സംഘര്‍ഷത്തെ തുടര്‍ന്ന് ഇരുവിഭാഗത്തെയും പ്രവര്‍ത്തകര്‍ക്ക് പരിക്കേറ്റു.
വെള്ളടിക്കുന്നില്‍ കൊടിമരം സ്ഥാപിച്ചതുമായി ബന്ധപ്പെട്ട തര്‍ക്കമാണ് സംഘര്‍ഷത്തിലെത്തിയതെന്ന് ചാലിശ്ശേരി പൊലിസ് പറഞ്ഞു.
സംഘര്‍ഷ സ്ഥലത്ത് പൊലിസെത്തിയതിന് ശേഷം ഇരുപ്രവര്‍ത്തകരെയും പിരിച്ചുവിട്ടെങ്കിലും വീണ്ടും സംഘര്‍ഷം ഉണ്ടാവുകയായിരുന്നു. സംഘര്‍ഷത്തില്‍ ആറു സി.പി.എം പ്രവര്‍ത്തകര്‍ക്കും അഞ്ചു ബി.ജെ.പി പ്രവര്‍ത്തകര്‍ക്കും പരുക്കേറ്റു.
17 ബൈക്കുകളും സംഘര്‍ഷത്തില്‍ തകര്‍ത്തു. പരുക്കേറ്റ പ്രവര്‍ത്തകരെ ആശുപത്രിയില്‍ കൊണ്ടു പോകുന്ന വഴി സേവാ ഭാരതിയുടെ ആംബുലന്‍സ് തല്ലിത്തകര്‍ത്തായി ബി.ജെ.പി പ്രവര്‍ത്തകര്‍ പരാതി നല്‍കി.
സംഭവത്തില്‍ ഇരുവിഭാഗം പ്രവര്‍ത്തകര്‍ക്കെതിരെയും പൊലിസ് കേസെടുത്തു.