ന്യൂഡല്‍ഹി: കേദാര്‍നാഥില്‍ തകരാറിലായ ഹെലികോപ്റ്റര്‍ എയര്‍ലിഫ്റ്റ് ചെയ്ത് കൊണ്ടുപോകുന്നതിനിടെ താഴെ വീണ് തകര്‍ന്നു. ലിഞ്ചോളിയിലെ മന്ദാകിനി നദിയിലേക്കാണ് ഹെലികോപ്റ്റര്‍ പതിച്ചത്. 

കേദാര്‍നാഥ് ഹെലിപാഡില്‍ നിന്ന് ഗൗച്ചറിലെ ഹെലിപാഡിലേക്ക് മറ്റൊരു ഹെലികോപ്റ്റര്‍ ഉപയോഗിച്ച് എയര്‍ ലിഫ്റ്റ് ചെയ്യുന്നതിനിടെ കയര്‍ (ടോവിങ് റോപ്പ്) പൊട്ടിയാണ് അപകടം സംഭവിച്ചത്.

കേദാര്‍നാഥ് ക്ഷേത്രത്തിലേക്ക് തീര്‍ത്ഥാടകരെ കൊണ്ടുപോകുന്നതിന് നേരത്തെ ഉപയോഗിച്ചിരുന്ന ഹെലികോപ്റ്ററാണ് അപകടത്തില്‍പെട്ടത്. അപകടത്തില്‍ ആര്‍ക്കും പരുക്കില്ല. അപകടത്തിന്റെ ദൃശ്യങ്ങളും പുറത്തുവന്നിട്ടുണ്ട്.