കൊച്ചി: ലൈംഗിക അതിക്രമ കേസില്‍ നടന്‍ മണിയന്‍പിള്ള രാജു മുന്‍കൂര്‍ ജാമ്യാപേക്ഷ നല്‍കി. ഫോര്‍ട്ട്‌കൊച്ചി പൊലീസ് രജിസ്റ്റര്‍ ചെയ്ത കേസില്‍ എറണാകുളം പ്രിന്‍സിപ്പല്‍ സെഷന്‍സ് കോടതിയിലാണ് മണിയന്‍പിള്ള രാജു മുന്‍കൂര്‍ ജാമ്യപേക്ഷ നല്‍കിയത്. കേസ് സെപ്റ്റംബര്‍ ആറിന് പരിഗണിക്കാനായി മാറ്റി.

മണിയന്‍പിള്ള രാജുവുമൊത്ത് സഞ്ചരിച്ചപ്പോള്‍ മോശമായി സംസാരിച്ചെന്നും മുറിയുടെ വാതിലില്‍ മുട്ടിയെന്നുമുള്ള നടിയുടെ  പരാതിയില്‍ മണിയന്‍പിള്ള രാജുവിനെതിരെ ജാമ്യമില്ലാ കുറ്റം ചുമത്തിയിരുന്നു. ഇതേ നടിയുടെ പരാതിയില്‍ നടനും എംഎല്‍എയുമായ മുകേഷ്, ഇടവേള ബാബു, ജയസൂര്യ, പ്രൊഡക്ഷന്‍ കണ്‍ട്രോളര്‍ നോബിള്‍, പ്രൊഡക്ഷന്‍ എക്‌സിക്യൂട്ടീവ് വിച്ചു എന്നിവര്‍ക്കെതിരെയും കേസെടുത്തിട്ടുണ്ട്.

Malayalam actor Maniyanpilla Raju has approached the court seeking anticipatory bail in a sexual assault case. The move comes amid allegations of sexual misconduct, and the court's decision is eagerly awaited in the case involving the veteran actor.