പോങ്യാങ്: വെള്ളപ്പൊക്കത്തിലും മണ്ണിടിച്ചിലിലുമായി ആയിരത്തിലധികം പേര്‍ മരിച്ച സാഹചര്യത്തില്‍ പ്രകൃതിക്ഷോഭങ്ങള്‍ മൂലമുണ്ടായ മരണങ്ങള്‍ തടയുന്നതില്‍ പരാജയപ്പെട്ടെന്ന് ചൂണ്ടിക്കാട്ടി 30 സര്‍ക്കാര്‍ ഉദ്യോഗസ്ഥര്‍ക്ക് വധശിക്ഷ വിധിച്ചതായി റിപ്പോര്‍ട്ട്. 

വെള്ളപ്പൊക്കവും മണ്ണിടിച്ചിലും മൂലമുണ്ടായ മരണങ്ങള്‍ക്ക് ഉത്തരവാദികളെന്ന് കരുതുന്നവരെയാണ് വധശിക്ഷക്ക് വിധേയമാക്കാന്‍ കിം ജോങ് ഉന്‍ ഉത്തരവിട്ടതെന്ന് റിപ്പോര്‍ട്ടില്‍ പറയുന്നു. ഉദ്യോഗസ്ഥര്‍ക്കെതിരെ അഴിമതി, കൃത്യനിര്‍വ്വഹണം എന്നീ കുറ്റങ്ങളും ചുമത്തിയിട്ടുണ്ട്.

ജൂലൈയിലാണ് ഉത്തരകൊറിയയില്‍ കനത്ത മഴ പെയ്ത് വെള്ളപ്പൊക്കമുണ്ടായത്. 4,000ത്തിലധികം വീടുകളെ ബാധിക്കുകയും 15,000 താമസക്കാരെ മാറ്റിപ്പാര്‍പ്പിക്കുകയും ചെയ്തു. കിം ജോങ് ഉന്‍ തന്നെ ദുരിതബാധിത പ്രദേശങ്ങള്‍ സന്ദര്‍ശിക്കുകയും പ്രളയത്തില്‍ പൂര്‍ണമായും മുങ്ങിയ സമീപപ്രദേശങ്ങള്‍ പുനര്‍നിര്‍മിക്കാനും പുനഃസ്ഥാപിക്കാനും മാസങ്ങളെടുക്കുമെന്ന് അറിയിക്കുകയും ചെയ്തിരുന്നു.

അമ്മമാര്‍, കുട്ടികള്‍, പ്രായമായവര്‍, വികലാംഗരായ സൈനികര്‍ തുടങ്ങിയ ദുര്‍ബല വിഭാഗങ്ങള്‍ ഉള്‍പ്പെടെ 15,400 പേര്‍ക്ക് പ്യോങ്‌യാങ്ങില്‍ സര്‍ക്കാര്‍ അഭയം നല്‍കി.  വെള്ളപ്പൊക്കത്തില്‍ മരിച്ചവരുടെ എണ്ണം കൂടുതലാണെന്ന റിപ്പോര്‍ട്ടുകള്‍ ഉത്തര കൊറിയന്‍ നേതാവ് നിഷേധിച്ചു. ഉത്തരകൊറിയയുടെ പ്രശസ്തിക്ക് കോട്ടം തട്ടാന്‍ വേണ്ടിയുള്ള ബോധപൂര്‍വമായ ഭാ?ഗമായാണ് ദക്ഷിണ കൊറിയ കിംവദന്തികള്‍ പ്രചരിപ്പിക്കുന്നതെന്ന് അദ്ദേഹം ആരോപിച്ചു. കൊറിയ ടൈംസ് പറയുന്നതനുസരിച്ച്, കൊവിഡിന് ശേഷം ഉത്തരകൊറിയയില്‍ വധശിക്ഷ വര്‍ധിച്ചു.  

kim jong un executes 30 officials for failing to prevent deaths during floods