രാഷ്ട്രീയത്തില്‍ മാത്രമല്ല വ്യക്തിബന്ധത്തിലും അണ്ണന്‍-തമ്പിമാരാണ് പ്രതിപക്ഷ നേതാവ് രാഹുല്‍ ഗാന്ധിയും തമിഴ്‌നാട് മുഖ്യമന്ത്രി എം.കെ സ്റ്റാലിനും. രാജ്യത്തെ ബി.ജെ.പി വിരുദ്ധ ഇന്‍ഡ്യാ സഖ്യത്തിന്റെ മുന്‍ നിര നേതാക്കളാണ് എന്നതും ഇരുവരുടേയും ബന്ധത്തിന് മാറ്റ് കൂട്ടുന്നു.  രാഷ്ട്രീയ നീക്കങ്ങളില്‍ പരസ്പരം കൈകോര്‍ത്തും വിശേഷാവസരങ്ങളില്‍ ആശംസകള്‍ കൈമാറിയും ഇരുവരും സമൂഹമാധ്യമങ്ങളില്‍ നിറയാറുണ്ട്.

യു.എസ് സന്ദര്‍ശനത്തിലാണ് നിലവില്‍ എം.കെ. സ്റ്റാലിന്‍. യു.എസിലെ വിവിധ പരിപാടികളുടെയും കൂടിക്കാഴ്ചകളുടെയും വിശേഷങ്ങള്‍ സ്റ്റാലിന്‍ പങ്കുവെക്കാറുണ്ട് ഇടക്കിടെ.  കഴിഞ്ഞ ദിവസം സൈക്കിള്‍ സവാരി നടത്തുന്നതിന്റെ വിഡിയോ സ്റ്റാലിന്‍ എക്‌സില്‍ പങ്കുവെച്ചിരുന്നു. 'സായാഹ്നത്തിന്റെ ശാന്തത പുതിയ സ്വപ്നങ്ങള്‍ക്ക് കളമൊരുക്കുന്നു' എന്ന അടിക്കുറിപ്പോടെയായിരുന്നു യു.എസില്‍ നിന്നുള്ള വിഡിയോ.

സ്റ്റാലിന്റെ ഈ പോസ്റ്റ് രാഹുല്‍ ഗാന്ധിയും എക്‌സില്‍ പങ്കുവെച്ചു. 'സഹോദരാ, നമ്മള്‍ എന്നാണ് ഒരുമിച്ച് ചെന്നൈയില്‍ സൈക്കിള്‍ സവാരി നടത്തുന്നത്?' എന്ന ചോദ്യത്തോടെയാണ് രാഹുല്‍ സ്റ്റാലിന്റെ വിഡിയോ പങ്കിട്ടത്.

ഇതിന് സ്റ്റാലിന്‍ മറുപടിയും നല്‍കി. 'പ്രിയപ്പെട്ട സഹോദരന്‍ രാഹുല്‍ ഗാന്ധിക്ക് എപ്പോഴാണോ സമയമുള്ളത് അപ്പോള്‍ ചെന്നൈയുടെ ഹൃദയത്തിലൂടെ നമുക്ക് ഒരുമിച്ച് സവാരി ചെയ്യാം. ഒരു പെട്ടി മധുരപലഹാരം ഞാന്‍ ഇപ്പോഴും സൂക്ഷിക്കുന്നുണ്ട്. സൈക്കിള്‍ സവാരിക്ക് ശേഷം നമുക്ക് എന്റെ വീട്ടില്‍ സ്വാദിഷ്ടമായ ദക്ഷിണേന്ത്യന്‍ ഉച്ചഭക്ഷണവും മധുരവും കഴിക്കാം' സ്റ്റാലിന്‍ മറുപടി നല്‍കി. രാഹുലിന്റെ പോസ്റ്റും സ്റ്റാലിന്റെ മറുപടിയും സമൂഹമാധ്യമങ്ങളില്‍ വൈറലായിരിക്കുകയാണ്.

Brother, when are we cycling together in Chennai? 🚴 https://t.co/fM20QaA06w

— Rahul Gandhi (@RahulGandhi) September 4, 2024

In a display of their close personal and political bond, opposition leader Rahul Gandhi and Tamil Nadu Chief Minister MK Stalin have shared a warm exchange on social media