തൃശ്ശിലേരി: കാനഞ്ചേരിമൊട്ടയില്‍ ദേശീയ കായികദിനം ആചരിച്ചു. ഇന്ത്യന്‍ ഹോക്കി ഇതിഹാസം ധ്യാന്‍ചന്ദിന്റെ ജന്മദിനമാണ് കായികദിനമായി ആചരിക്കുന്നത്. കാനഞ്ചേരിമൊട്ടയ്കു സമീപത്തുള്ള കുട്ടികള്‍ റിയോ ഒളിംപിക്‌സുമായി ബന്ധപ്പെട്ട വാര്‍ത്തകളും ചിത്രങ്ങളും ശേഖരിച്ച് കൊളാഷ് നിര്‍മിച്ചാണ് കായികദിനം ആഘോഷിച്ചത്. മാരത്തണ്‍ പൂര്‍ത്തിയാക്കിയ വയനാട് സ്വദേശികളായ ഒ.പി ജെയ്ഷ, പി ഗോപി എന്നിവര്‍ക്ക് കൊളാഷിലൂടെ അഭിനന്ദനമര്‍പ്പിച്ചു. വിദ്യാര്‍ഥികളായ അനഘ ബ്‌ളസ്സന്‍, ആന്‍മരിയ ബാബു, ഫേബ ബെന്നി, മെറീന ബാബു, ആന്‍സി ബെന്നി, മെല്‍വിന്‍ ബാബു എന്നിവരാണ് കൊളാഷ് നിര്‍മിച്ചത്. ചിത്രകാരന്‍ എം.കെ രവിയാണ് ഇവര്‍ക്ക് സാങ്കേതിക സഹായങ്ങള്‍ നല്‍കിയത്.