കൊല്‍ക്കത്ത: 'നിങ്ങള്‍ ബ്രാഹ്മണരാണോ? ഏത് ക്രീമാണ് മുഖത്തിട്ടിരിക്കുന്നത്, ചുണ്ടില്‍ എന്താണ് പുരട്ടിയിരിക്കുന്നത്? ഏതെങ്കിലും പരസ്യത്തിനോ മറ്റോ ഉള്ള ചോദ്യങ്ങളല്ല.  

പശ്ചിമബംഗളിലെ സര്‍ക്കാര്‍ മെഡിക്കല്‍ കോളജിലെ വൈവ പരീക്ഷയുടെ ചുമതലയുള്ള അധ്യാപകര്‍ വിദ്യാര്‍ഥികളോട് ചോദിച്ചതാണിത്. കമര്‍ഹത്തിയിലെ സാഗര്‍ ദത്ത മെഡിക്കല്‍ കോളേജ് ആന്‍ഡ് ഹോസ്പിറ്റലില്‍ നടന്ന വൈ പരീക്ഷയിലായിരുന്നു സംഭവം. 
ഏതായാലും സംഭവം വിവാദമാവുകയും വിദ്യാര്‍ഥികള്‍ പ്രതിഷേധവുമായി രംഗത്തെത്തുകയും ചെയ്തു.

ബംഗാളിലെ വി.എച്ച്.പിയുടെ മീഡിയ ഇന്‍ ചാര്‍ജ് സൗരിഷ് മുഖര്‍ജി എക്‌സില്‍ പങ്കുവച്ച വീഡിയോയില്‍ വിദ്യാര്‍ഥികള്‍ പ്രതിഷേധിക്കുന്നത് കാണാം. തനിക്കു മുന്‍പ് വൈവക്ക് കയറിയ ആണ്‍കുട്ടിയോട് കുറച്ചു ചോദ്യങ്ങള്‍ മാത്രമാണ് ചോദിച്ചതെന്ന് ഒരു വിദ്യാര്‍ഥിനി പറയുന്നു. തുടര്‍ന്നായിരുന്നു പ്രസ്തുത വിദ്യാര്‍ഥിനിയുടെ ഊഴം. തന്നോട് ആദ്യം വീട്ടിലെ കാര്യങ്ങളെക്കുറിച്ചാണ് ചോദിച്ചതെന്നും പിന്നീടാണ് വിചിത്രമായ ചോദ്യങ്ങളുണ്ടായതെന്നും വിദ്യാര്‍ഥിനി വ്യക്തമാക്കി.

Questions from viva exam of Sagar Dutta Medical College and Hospital in Kamarhati, #WestBengal:

Are you a Brahmin? Which cream do you apply to your face?

What do you put on your lips?

This so called secular Left - TMC ecosystem has now desperate to oppress top Hindu merits of… pic.twitter.com/PCJx0frvcQ

— Sourish Mukherjee (@me_sourish_) September 8, 2024

കൊല്‍ക്കത്ത ആര്‍ജി കര്‍ സര്‍ക്കാര്‍ മെഡിക്കല്‍ കോളജില്‍ വനിതാ ഡോക്ടര്‍ ബലാത്സംഗത്തിനിരയായി കൊല്ലപ്പെട്ടതിനെ തുടര്‍ന്ന രാജ്യമെമ്പാടും പ്രതിഷേധങ്ങള്‍ അരങ്ങേറുന്നതിനിടെയാണ് പുതിയ സംഭവം.

Medical students at Sagar Dutta Medical College in West Bengal protested after being asked inappropriate questions during a viva exam