ആലപ്പുഴ: കടവന്ത്ര സ്വദേശി സുഭദ്രയുടെ തിരോധാനവുമായി ബന്ധപ്പെട്ട് ആലപ്പുഴ കലവൂരിലെ വീട്ടില്‍ നടത്തിയ പരിശോധനയില്‍ കണ്ടെത്തിയ മൃതദേഹത്തിന്റെ ഭാഗങ്ങള്‍ കാണാതായ സുഭദ്രയുടേത് തന്നെയെന്ന് പൊലിസ് സ്ഥിരീകരിച്ചു. സുഭദ്രയുടെ മക്കളെത്തിയാണ് മൃതദേഹം തിരിച്ചറിഞ്ഞത്. മക്കളായ രാധാകൃഷ്ണനും രഞ്ജിത്തും കൊച്ചിയില്‍ നിന്ന് ആലപ്പുഴയിലെത്തി, തുടര്‍ന്ന് മൃതദേഹം വണ്ടാനം മെഡിക്കല്‍ കോളേജിലേക്ക് കൊണ്ടുപോയി. സുഭദ്ര കാലു വേദനക്ക് മുട്ടില്‍ ധരിച്ചിരുന്ന ബാന്റേഡ് കണ്ടണ് മൃതദേഹം സുഭദ്രയുടേതാണെന്ന് ഇവര്‍ തിരിച്ചറിഞ്ഞത്. 

മാത്യൂസ്-ശര്‍മിള ദമ്പതികള്‍ താമസിച്ചിരുന്ന വീട്ടില്‍ നിന്നാണ് പൊലിസ് സുഭദ്രയുടെ മൃതദേഹം കണ്ടെത്തിയത്. ഇവര്‍ ഒളിവിലാണ്. സുഭദ്രയുടെ കഴുത്തില്‍ ആഭരണങ്ങള്‍ ഉണ്ടായിരുന്നുവെന്നും ഇത് കൈക്കലാക്കാനാകാം സുഭദ്രയെ കൊലപ്പെടുത്തിയതെന്ന് സംശയിക്കുന്നതായും പൊലീസ് വ്യക്തമാക്കി.

 In a poignant moment, the son of Subhadra has identified his mother's body by recognizing the bandaged foot, bringing closure to the family. Get the latest updates on this emotional story.