ദുബൈ: അൽഖുസ് ഇൻഡസ്ട്രിയൽ ഏരിയയിലെ യാർഡിൽ ട്രക്കിൽ നിന്ന് സ്പെയർ ടയർ മോഷ്‌ടിച്ച ഏഷ്യക്കാരനായ ഡ്രൈവറിൽ നിന്ന് 1,200 ദിർഹം പിഴ ചുമത്തി നാടു കടത്താൻ ദുബൈ കോടതി ശിക്ഷ വിധിച്ചു. ഇക്കഴിഞ്ഞ ഏപ്രിലിൽ അൽ ഖൂസിലെ പാർക്കിങ് ഗ്രൗണ്ടിൽ നിർത്തിയിട്ട വാഹനത്തിൽ നിന്ന് ടയർ മോഷ്‌ടിക്കപ്പെട്ടതായി സംശയം തോന്നി ഒരു ഏഷ്യൻ വംശജൻ പൊലിസിൽ നൽകിയതോടെയാണ് കേസിന് തുമ്പായത്.

 ട്രക്ക് നിർത്തിയ സ്ഥലത്തേക്ക് നുഴഞ്ഞുകയറിയ പ്രതിയെ താൻ കണ്ടതായി ഇദ്ദേഹം പറഞ്ഞു. ഇയാൾ ട്രക്കിൽ നിന്ന് ടയർ അഴിച്ചുമാറ്റി സമീപത്ത് പാർക്ക് ചെയ്ത വാഹനത്തിൽ വെച്ച ശേഷം ഓടി രക്ഷപ്പെടുകയായിരു ന്നു. വിവരങ്ങൾ ശേഖരിച്ച പൊലിസ് ഡിറ്റക്ടീവ് സംഘം സ്ഥലത്തെ നിരീക്ഷണ കാമറകൾ പരിശോധിച്ച് പ്രതിയെ തിരിച്ചറിഞ്ഞു അറസ്റ്റ് ചെയ്തു. ചോദ്യംചെയ്യലിൽ, മോഷ്‌ടിച്ച ടയർ റെന്റൽ കാർ കമ്പനിയ ടെ വാഹനത്തിൽ മറ്റൊരാൾക്ക് എത്തിച്ച് വിൽക്കുകയായിരുന്നുവെന്ന് പ്രതി കുറ്റം സമ്മതിച്ചു.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക