ന്യൂഡല്‍ഹി: പൗരത്വ ഭേദഗതി നിയമം നടപ്പാക്കാന്‍ കേന്ദ്ര സര്‍ക്കാര്‍ പുറത്തിറക്കിയ ചട്ടങ്ങളുടെ നിയമ സാധുത ചോദ്യം ചെയ്ത് രാജ്യസഭാംഗം പി. സന്തോഷ് കുമാര്‍ നല്‍കിയ ഹര്‍ജിയില്‍ നോട്ടീസ് പുറപ്പെടുവിച്ച് സുപ്രീം കോടതി. ചീഫ് ജസ്റ്റിസ് ഡി.വൈ. ചന്ദ്രചൂഡ് അധ്യക്ഷനായ ബെഞ്ചാണ് കേന്ദ്ര സര്‍ക്കാരിന് നോട്ടീസ് അയച്ചത്. പൗരത്വ ഭേദഗതി നിയമം ചോദ്യം ചെയ്തുള്ള മറ്റ് ഹരജികള്‍ക്ക് ഒപ്പം എംപിയുടെ ഈ ഹരജിയും പരിഗണിക്കുമെന്ന് സുപ്രീം കോടതി വ്യക്തമാക്കി.

പാര്‍ലമെന്റ് പാസാക്കിയ 2019ലെ പൗരത്വ ഭേദഗതി നിയമം മതേതരം ആക്കാന്‍ രാജ്യസഭയില്‍ സ്വകാര്യ ബില്ല് അവതരിപ്പിച്ച സന്തോഷ് കുമാര്‍, ബില്ലിലെ നിര്‍ദേശങ്ങള്‍ കൂടി ഉള്‍പ്പെടുത്തിയാണ് സുപ്രീം കോടതിയില്‍ റിട്ട് ഹരജി ഫയല്‍ ചെയ്തിരിക്കുന്നത്. പൗരത്വം അനുവദിക്കുന്നതിലുള്ള മതപരമായ വേര്‍തിരിവ് ഭരണഘടനയുടെ 14ാം അനുച്ഛേദം ഉറപ്പ് നല്‍കുന്ന തുല്യതയുടെ ലംഘനമാണെന്ന് ഹരജിയില്‍ ചൂണ്ടിക്കാണിച്ചിട്ടുണ്ട്.

പി. സന്തോഷ് കുമാറിനിനെ കൂടാതെ സാമൂഹിക പ്രവര്‍ത്തകരായ അശ്വിനി ജിതേന്ദ്ര കാംബ്ലെ, വൈഭവ് വി. കാംബ്ലെ, അനികേത് കുട്ടര്‍മാരെ തുടങ്ങിയവരും ഹരജി ഫയല്‍ ചെയ്തിട്ടുണ്ട്.

The Supreme Court has issued a notice to the Central Government regarding the Citizenship Amendment Act petition filed by MP P. Santhosh Kumar, sparking a significant development in the ongoing debate surrounding the legislation.