ലഖ്നൗ: ഉത്തര്‍പ്രദേശിലെ ഹഥ്രാസില്‍ ദുര്‍മന്ത്രവാദത്തിന്റെ പേരില്‍ രണ്ടാം ക്ലാസില്‍ പഠിക്കുന്ന കുട്ടിയെ കഴുത്ത് ഞെരിച്ച് കൊലപ്പെടുത്തി. സ്‌കൂളിന് യശസുണ്ടാക്കാന്‍ കുട്ടിയെ നരബലി നല്‍കിയെന്നാണ് വാദം. സംഭവത്തില്‍ സ്‌കൂള്‍ ഡയരക്ടറെയും മൂന്ന് അധ്യാപകരെയും പൊലിസ് അറസ്റ്റ് ചെയ്തു.

സെപ്തംബര്‍ 23ന് ആഗ്രയില്‍ നിന്ന് 35 കിലോ മീറ്റര്‍ അകലെ സദാബാദില്‍ ഡി.എല്‍ സ്‌കൂള്‍ ഡയരക്ടറുടെ കാറില്‍ നിന്ന് കുട്ടിയുടെ മൃതദേഹം കണ്ടെത്തിയതോടെയാണ് നാടിനെ നടുക്കിയ സംഭവം പുറത്തറിഞ്ഞത്.

സെപ്തംബര്‍ 22നാണ് സ്‌കൂള്‍ അധികൃതരും മന്ത്രവാദിയും ചേര്‍ന്ന് കുട്ടിയെ കൊലപ്പെടുത്തിയത്. കുട്ടി കുഴഞ്ഞുവീണ് മരിച്ചുവെന്നാണ് സ്‌കൂള്‍ അധികൃതര്‍ പിതാവിനെ അറിയിച്ചത്. എന്നാല്‍ സംശയം തോന്നിയ വീട്ടുകാര്‍ പൊലീസില്‍ അറിയിച്ചതിനെ തുടര്‍ന്നാണ് അന്വേഷണം നടത്തിയത്.

A second grader was allegedly murdered in Hathras, Uttar Pradesh, as part of a black magic ritual. The school director and three teachers have been arrested following the incident.