പയ്യന്നൂര്‍: പയ്യന്നൂര്‍ പഴയ ബസ് സ്റ്റാന്‍ഡ് പരിസരത്ത് സി കൃഷണന്‍ എം.എല്‍.എയുടെ പ്രാദേശിക വികസന ഫണ്ട് ഉപയോഗിച്ചു നിര്‍മിക്കുന്ന ടൗണ്‍ സ്‌ക്വയര്‍ നിര്‍മാണം പൂര്‍ത്തിയായി. ഉദ്ഘാടനം ഒന്‍പതിന് മന്ത്രി കെ.ടി ജലീല്‍ നിര്‍വഹിക്കും. 20 ലക്ഷം രൂപ ചെലവിലാണ് ടൗണ്‍ സ്‌ക്വയര്‍ നിര്‍മിച്ചത്. സ്റ്റേജിനോടു ചേര്‍ന്ന് ശില്‍പി സുരേന്ദ്രന്‍ കൂക്കാനത്തിന്റെ വെള്ളരിപ്രാവിന്റെ ശില്‍പവും പഴമയുടെ ഓര്‍മകളുമായി ഭരണികളും നിര്‍മിച്ചിട്ടുണ്ട്. പഴയ കിണര്‍ നവീകരിച്ച് കൂട്ടയുടെ മാതൃകയിലേക്ക് മാറ്റിയിട്ടുണ്ട്. ആവശ്യമായ ലൈറ്റുകളും ചുറ്റുമതില്‍ നിര്‍മാണവും പൂര്‍ത്തിയായി. ഇവിടുത്തേക്കുള്ള വൈദ്യുതീകരണവും പൂര്‍ത്തിയായി കഴിഞ്ഞു.