പാരിസ്: ഫിഫ ക്ലബ് വേൾഡ് കപ്പ് സെമി ഫൈനലിൽ റയൽ മാഡ്രിഡിനെതിരെ പിഎസ്ജിയുടെ തകർപ്പൻ വിജയത്തിനു ശേഷം പരിശീലകൻ ലൂയിസ് എൻറിക്വ പ്രതികരണവുമായി രംഗത്തെത്തി. റയൽ മാഡ്രിഡിന്റെ പരിശീലകനായ സാബി അലോൺസോയ്ക്കെതിരെ ഉയർന്ന വിമർശനങ്ങളെ തള്ളിക്കൊണ്ട് എൻറിക്വ അദ്ദേഹത്തിന് പിന്തുണ അറിയിച്ചു.

"സാബി ലെവർകൂസനിൽ തന്റെ മികവ് തെളിയിച്ച പരിശീലകനാണ്. ഒരു ടീമിനൊപ്പം പെട്ടെന്ന് ചേർന്ന് ഫലങ്ങൾ നേടുക എളുപ്പമല്ല. ഞാൻ പിഎസ്ജിയിൽ രണ്ട് വർഷമായി പ്രവർത്തിക്കുന്നു, ആ അനുഭവം മത്സരഫലങ്ങളിൽ പ്രതിഫലിക്കും," എൻറിക്വ വ്യക്തമാക്കി.

പിഎസ്ജിയോട് എതിരില്ലാത്ത നാല് ഗോളുകൾക്ക് പരാജയപ്പെട്ടതിനെ തുടർന്ന് സാബി അലോൺസോയ്ക്കെതിരെ വിമർശനങ്ങൾ ഉയർന്നിരുന്നു. ഈ സീസണിന്റെ തുടക്കത്തിലാണ് സാബി റയൽ മാഡ്രിഡിന്റെ പരിശീലകനായി ചുമതലയേറ്റത്.

സെമി ഫൈനലിൽ ചാമ്പ്യൻസ് ലീഗ് ജേതാക്കളായ പിഎസ്ജി, സ്പാനിഷ് വമ്പന്മാരായ റയൽ മാഡ്രിഡിനെ നിഷ്പ്രഭരാക്കി മിന്നുന്ന പ്രകടനമാണ് കാഴ്ചവച്ചത്. പിഎസ്ജിക്കായി ഫാബിയൻ റൂയിസ് ഇരട്ട ഗോളുകൾ നേടി, ഒസ്മാൻ ഡെംബെലെയും ഗൊൺസാലോ റാമോസും ഓരോ ഗോളുകൾ വീതം സ്കോർ ചെയ്തു.

ഫിഫ ക്ലബ് വേൾഡ് കപ്പ് ഫൈനൽ ജൂലൈ 14-ന് ഇന്ത്യൻ സമയം രാത്രി 12:30-ന് നടക്കും. യൂറോപ്യൻ ഫുട്ബോളിന്റെ ചാമ്പ്യന്മാരായ പിഎസ്ജി, ഇംഗ്ലീഷ് വമ്പന്മാരായ ചെൽസിയെ ഫൈനലിൽ നേരിടും.

PSG coach Luis Enrique defended Real Madrid's Xabi Alonso after their 4-0 loss in the FIFA Club World Cup semi-final. Enrique dismissed criticism, saying Alonso, who joined Real this season, needs time to deliver results. PSG’s Fabian Ruiz scored twice, with Ousmane Dembele and Goncalo Ramos adding one each. PSG will face Chelsea in the final on July 14 at 12:30 AM IST.