റാഞ്ചി: നിയമസഭ തെരഞ്ഞെടുപ്പ് നടക്കുന്ന ഝാര്‍ഖണ്ഡില്‍ ഒന്നാംഘട്ട വോട്ടെടുപ്പ് തുടങ്ങി. സംസ്ഥാനത്തെ 15 ജില്ലകളിലെ 43 മണ്ഡലങ്ങളിലാണ് ഇന്ന് വോട്ടെടുപ്പ് നടക്കുന്നത്.

രാവിലെ ഏഴിന് ആരംഭിച്ച പോളിങ് വൈകിട്ട് അഞ്ചിന് അവസാനിക്കും. അതേസമയം, 950 ബൂത്തുകളില്‍ വൈകിട്ട് നാലിന് വോട്ടിങ് അവസാനിക്കും. ബൂത്തുകളില്‍ കനത്ത സുരക്ഷ ഏര്‍പ്പെടുത്തിയിട്ടുണ്ട്.

ഝാര്‍ഖണ്ഡില്‍ ബി.ജെ.പി നേതൃത്വം നല്‍കുന്ന എന്‍.ഡി.എ സഖ്യവും ജെ.എം.എം-കോണ്‍ഗ്രസ് നേതൃത്വം നല്‍കുന്ന ഇന്‍ഡ്യ മുന്നണിയുമാണ് ഏറ്റുമുട്ടുന്നത്.

മുന്‍ മുഖ്യമന്ത്രിയും ബി.ജെ.പി സ്ഥാനാര്‍ഥിയുമായ ചെമ്പേയ് സോറനും കോണ്‍ഗ്രസ് നേതാവ് അജോയ് കുമാറുമാണ് താര സ്ഥാനാര്‍ഥികള്‍. ചെമ്പേയ് സോറന്‍ സെറൈകെല്ല സീറ്റിലും അജോയ് കുമാര്‍ ജംഷഡ്പൂര്‍ ഈസ്റ്റിലുമാണ് മത്സരിക്കുന്നത്.

ബി.ജെ.പി നേതാവും മുന്‍ മുഖ്യമന്ത്രിയുമായ മധു കോഡയുടെ ഭാര്യ ഗീത കോഡ ജഗനാഥപൂരില്‍ ജനവിധി തേടും.