കടുത്തുരുത്തി: ഇടിഞ്ഞുതാഴ്ന്ന റെയില്‍വേയുടെ ക്രോസ് ബാര്‍ നീക്കാന്‍ നടപടിയില്ല. കടുത്തുരുത്തി-ആപ്പൂഴ തീരദേശ റോഡിലെ വാഹനഗതാഗതം സ്തംഭിച്ചിട്ട് അഞ്ച് ദിവസം പിന്നിടുന്നു. ഞായറാഴ്ച്ച രാത്രിയില്‍ ക്രോസ് ബാര്‍ സ്ഥാപിച്ചിരുന്ന തോടിനോട് ചേര്‍ന്നുള്ള കാല്‍ തോട്ടിലേക്ക് ഇടിഞ്ഞു താണതോടെയാണ് ഇതുവഴിയുള്ള വാഹനഗതാഗതം സ്തംഭിച്ചത്. അടുത്തിടെ റെയില്‍വേ പാലത്തിന്റെ മറുവശത്തുള്ള ക്രോസ് ബാര്‍ വാഹനം ഇടിച്ചു ചരിഞ്ഞതിനെ തുടര്‍ന്ന് ഇതുവഴിയുള്ള ഗതാഗതം സ്തംഭിക്കുകയും മാധ്യമങ്ങള്‍ വാര്‍ത്തയാക്കകയും ചെയ്തതിനെ തുടര്‍ന്ന് റോഡിലെ ക്രോസ് ബാറുകള്‍ റെയില്‍വേ ഉന്നതഉദ്യോഗസ്ഥരുടെ നിര്‍ദേശത്തെ തുടര്‍ന്ന് നീക്കം ചെയ്തിരുന്നു.
ഞായറാഴ്ച്ച രാത്രിയില്‍ റെയില്‍വേപാലത്തിന്റെ മറുവശത്തുള്ള ക്രോസ് ബാര്‍ ഇടിഞ്ഞു താണത്. സാധാരണയായി റെയില്‍വേ സ്ഥാപിക്കുന്ന ക്രോസ് ബാറുകളെക്കാള്‍ താഴ്ത്തിയാണ് ഇവിടെ ഇതു സ്ഥാപിച്ചിരിക്കുന്നത്. ഇതുമൂലം ചെറിയവാഹനങ്ങള്‍ക്ക് പോലും ഇതുവഴി കടന്നുപോകാന്‍ കഴിയാത്ത സ്ഥിതിയായിരുന്നു.