ന്യൂഡല്‍ഹി: സംഭലില്‍ നിര്‍ണായക നീക്കവുമായി സുപ്രിം കോടതി. വിഷയത്തില്‍ ജില്ലാ കോടതി തുടര്‍നടപടികളെടുക്കുന്നത് സുപ്രിം കോടതി തടഞ്ഞു. ഹരജിരക്കാര്‍ ഹൈക്കോടതിയെ സമീപിക്കട്ടെ എന്ന് സുപ്രിം കോടതി നിര്‍ദ്ദേശിച്ചു. 

വിഷയം ഹൈക്കോടതി പരിഗണിക്കും വരെ വിചാരണ കോടതി നടപടികളെടുക്കരുതെന്നും കോടതി വ്യക്തമാക്കി. സമാധാന സമിതി രൂപീകരിക്കണമെന്നും കോടതി നിര്‍ദ്ദേശിച്ചു. 

'സമാധാനവും ഐക്യവും ഉറപ്പു വരുത്തണം. ഞങ്ങള്‍ ഇത് തീര്‍പ്പാക്കാതെ വെക്കും. നാം തികച്ചും നിഷ്പക്ഷരാവേണ്ടതുണ്ട്. ഒന്നും സംഭവിക്കുന്നില്ലെന്ന് ഉറപ്പു വരുത്തുകയും വേണം' ചീഫ് ജസ്റ്റിസ് സഞ്ജിവ് ഖന്ന ചൂണ്ടിക്കാട്ടി.