തെൽ അവീവ്: മുസ്‌ലിം പള്ളികളിൽ ബാങ്ക് വിളിക്കാൻ ഉച്ചഭാഷിണികൾ ഉപയോഗിക്കുന്നത് വിലക്കി ഇസ്‌റാഈൽ. പള്ളികളിലെ ഉച്ചഭാഷിണികൾ പിടിച്ചെടുക്കാൻ ഇസ്‌റാഈൽ ദേശീയ സുരക്ഷാ മന്ത്രി ഇറ്റാമർ ബെൻ ഗ്വിർ പൊലിസിനു നിർദേശം നൽകി. ശബ്ദത്തിൽ ബാങ്ക് വിളിച്ചാൽ പിഴ ചുമത്താനും ഉത്തരവിട്ടതായി 'ടൈംസ് ഓഫ് ഇസ്‌റാഈൽ' റിപ്പോർട്ട് ചെയ്തു.  കിഴക്കൻ ജറൂസലം ഉൾപ്പെടെയുള്ള അധിനിവിഷ്ട പ്രദേശങ്ങളിലെ പള്ളികൾ ലക്ഷ്യമിട്ടാണ് ഇസ്‌റാഈൽ സുരക്ഷാ മന്ത്രാലയത്തിന്റെ നിയമനിർമാണം. 

ശബ്ദമലിനീകരണം ആരോപിച്ചാണ് ബാങ്കിന് വിലക്കേർപെടുത്തുന്നത്.പാതിരാത്രികളിൽ ഉൾപ്പെടെ പള്ളികളിൽനിന്ന് അമിതമായ ശബ്ദം ഉയരുന്നുവെന്ന് പരാതിയുമായി ജൂതതാമസക്കാർ പരാതിയുമായി രംഗത്തെത്തിയിരുന്നു. 

പള്ളികളിലെ ശബ്ദസംവിധാനങ്ങൾ പിടിച്ചെടുക്കാൻ പുതിയ നിയമം അധികാരം നൽകുന്നുണ്ടെന്ന് ബെൻ ഗിവിർ വാർത്താകുറിപ്പിൽ അറിയിച്ചു.