HOME
DETAILS

ഡിസംബർ അപകട മാസം: അപകടമേറെയും വൈകിട്ട് 6നും 9നുമിടയിൽ

  
ഗിരീഷ് കെ. നായർ
December 05 2024 | 03:12 AM

December Accident Month Most accidents between 6pm and 9pm

തിരുവനന്തപുരം: ആലപ്പുഴയിൽ അഞ്ച് മെഡിക്കൽ വിദ്യാർഥികളുടെ ജീവനെടുത്ത അപകടം വിരൽചൂണ്ടുന്നത് രാത്രിയപകടങ്ങളുടെ ഭീകരതയിലേക്ക്. സംസ്ഥാനത്ത് ഏറ്റവും കൂടുതൽ വാഹനാപകടങ്ങൾ ഉണ്ടാകുന്നത് വൈകിട്ട് ആറിനും രാത്രി ഒമ്പതിനുമിടയിലാണ്. ഡിസംബർ, ജനുവരി മാസങ്ങളിൽ അപകടങ്ങൾ കുത്തനെ ഉയരുന്നതായും സംസ്ഥാന ക്രൈം റെക്കോഡ്‌സ് ബ്യൂറോയുടെ കണക്കുകൾ പറയുന്നു.

ഓരോ വർഷവും അപകടങ്ങളുടെ എണ്ണത്തിൽ വൻ വർധന ഉണ്ടാകുന്നത് കടുത്ത ആശങ്കയാണ് ഉണ്ടാക്കുന്നത്. ആഗോളതലത്തിൽ 2010നുശേഷം അപകട മരണങ്ങളിൽ അഞ്ചു ശതമാനം കുറവുണ്ടായപ്പോൾ ഇന്ത്യയിൽ അത് കുതിച്ചുയരുകയാണ്.

സംസ്ഥാനത്ത്  2023 ജൂണിനും 2024 മെയ് മാസത്തിനുമിടയിൽ റോഡപകടങ്ങളിൽ ആറര ശതമാനം വർധനയാണുണ്ടായത്. 2021ൽ 33,296 അപകടങ്ങൾ ഉണ്ടായപ്പോൾ 3,429 പേരാണ് മരണമടഞ്ഞത്. 2022ൽ അപകടങ്ങളുടെ എണ്ണം 43,910 ആയി വർധിച്ചു. മരണസംഖ്യ 4,317 ആയി ഉയരുകയും ചെയ്തു.  2023ൽ അപകടനിരക്ക് ഉയർന്നുനിന്നെങ്കിലും (48,091) മരണ നിരക്ക് കുറഞ്ഞു (4,086).

 

രണ്ടു ചക്രമേയുള്ളൂ,മറക്കരുതേ

സംസ്ഥാനത്തുണ്ടാകുന്ന അപകടങ്ങളിൽ മുന്നിൽ ഇരുചക്ര വാഹനങ്ങളും കാറുമാണ്. തുടർന്നുള്ള സ്ഥാനങ്ങളിൽ യഥാക്രമം ലോറി, പ്രൈവറ്റ് ബസ്, ഓട്ടോ, കെ.എസ്.ആർ.ടി.സി ബസ് എന്നിങ്ങനെയാണ്. 
കഴിഞ്ഞ വർഷം ഇരുചക്ര വാഹനങ്ങൾ (ബൈക്കും സ്‌കൂട്ടറും) 19,372 അപകടങ്ങളിലാണ് പെട്ടത്. 1,566 പേർക്ക് ജീവഹാനി നേരിട്ടു. കാറുകൾ 14,027 അപകടങ്ങളുണ്ടാക്കിയപ്പോൾ അതിൽ 885 പേരാണ് മരിച്ചത്.
 2022ൽ 17,956 ഇരുചക്രവാഹനാപകടങ്ങളിലായി 1,665 പേരാണ് മരണമടഞ്ഞത്. ആ വർഷം 12,681 കാറപകടങ്ങളിലായി 974 പേരാണ് മരിച്ചത്. 202ൽ  9,822 കാറപകടങ്ങളിലായി 710  പേർ മരണമടഞ്ഞപ്പോൾ 10,154 ഇരുചക്രവാഹനാപകടങ്ങളിൽ 1,390 പേർ മരിച്ചു. 

 

ജാഗ്രത വേണം 6 - 9 p.m

സംസ്ഥാനത്തെ റോഡുകളിൽ വൈകിട്ട് ആറ് മണിക്കും ഒമ്പത് മണിക്കുമിടയിലാണ് കൂടുതൽ അപകടങ്ങളുമുണ്ടാകുന്നതെന്ന് കണക്കുകൾ പറയുന്നു. മരണനിരക്കും ഈ സമയത്ത് ഉണ്ടാകുന്ന അപകടങ്ങളിൽ കൂടുതലാണ്. കഴിഞ്ഞ വർഷം വൈകിട്ട് ആറിനും ഒമ്പതിനും ഇടയിൽ സംസ്ഥാനത്ത് നഗര മേഖലകളിൽ ഉണ്ടായ വാഹനാപകടങ്ങളിൽ 199 പേർ മരിച്ചപ്പോൾ ഗ്രാമ റോഡുകളിലുണ്ടായ വാഹനാപകടങ്ങളിൽ 657 പേർ മരിച്ചു. 2022ൽ 213 പേർ നഗര മേഖലയിൽ വാഹനാപകടത്തിൽ മരിച്ചപ്പോൾ 701 പേർ ഗ്രാമ പ്രദേശത്തുണ്ടായ വാഹനാപകടങ്ങളിൽ മരിച്ചു.

 

ഡിസംബറും ജനുവരിയും മരണ മാസ്   
കേരളത്തിൽ വാഹനാപകടങ്ങളിൽ ഏറിയപങ്കും ഉണ്ടാകുന്നത് ഡിസംബർ-ജനുവരി മാസങ്ങളിലാണ്. മരണ നിരക്കു കൂടുതലുള്ളതും ഈ മാസങ്ങളിലാണ്. ക്രൈം റെക്കോഡ്‌സ് ബ്യൂറോയുടെ കണക്കുകൾ പ്രകാരം 2023 ജനുവരിയിൽ 4,474 വാഹനാപകടങ്ങളാണുണ്ടായത്. 408 പേർക്ക് ആ മാസം ജീവൻ നഷ്ടമായി. അതേവർഷം ഡിസംബറിൽ 4,171 വാഹനാപകടങ്ങളിൽ 392 പേർ മരിച്ചു. 2022 ജനുവരിയിൽ 3,893 അപകടങ്ങളിൽ 383 പേരുടെ ജീവൻ പൊലിഞ്ഞപ്പോൾ ആ വർഷം ഡിസംബറിൽ മാത്രം 4,088 അപകടങ്ങളിലായി 405 പേർക്ക് ജീവൻ നഷ്ടമായി.

 

അശ്രദ്ധയും പിഴവും  
വാഹനമോടിക്കുന്ന ഡ്രൈവറുടെ അശ്രദ്ധയും പിഴവുമാണ് കേരളത്തിലെ റോഡപകടങ്ങളിൽ മിക്കതിന്റെയും പ്രധാന കാരണം. കഴിഞ്ഞ വർഷമുണ്ടായ വാഹനാപകടങ്ങളിൽ 2,292 എണ്ണത്തിന്റെയും കാരണം അപകടത്തിൽ പെട്ട വാഹനമോടിച്ചയാളുടെ പിഴവും അശ്രദ്ധയുമാണ്. അതേസമയം 512 അപകടങ്ങൾക്ക് കാരണം മറുവാഹനത്തിന്റെ ഡ്രൈവർക്കുണ്ടായ അശ്രദ്ധയും പിഴവുമാണ്. 2022ൽ 7,940 വാഹനങ്ങളുടെ ഡ്രൈവർമാരുടെ പിഴവ് അപകടത്തിനു കാരണമായപ്പോൾ മറുവാഹനത്തിന്റെ 512 ഡ്രൈവർമാർ അപകടമുണ്ടാക്കിയതായി കണക്കുകൾ പറയുന്നു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."




No Image

'ബലിയര്‍പ്പിച്ചാല്‍ നിധി കിട്ടും'; ജോത്സ്യന്റെ വാക്കുകേട്ട് ചെരുപ്പുകുത്തിയെ ക്രൂരമായി കൊലപ്പെടുത്തി യുവാവ്

National
  •  a day ago
No Image

ജി20 രാജ്യങ്ങള്‍ക്കിടയിലെ സുരക്ഷാസൂചികയില്‍ സഊദി ഒന്നാം സ്ഥാനത്ത്

latest
  •  a day ago
No Image

ഹജ്ജ് തീര്‍ത്ഥാടകര്‍ക്കുള്ള നിബന്ധനകള്‍ പ്രഖ്യാപിച്ച് സഊദി

latest
  •  a day ago
No Image

നവവധുവിന്റെ ആത്മഹത്യ; ജീവനൊടുക്കാന്‍ ശ്രമിച്ച് ആശുപത്രിയിലായ കാമുകനും തൂങ്ങിമരിച്ച നിലയില്‍

Kerala
  •  a day ago
No Image

വന്യജീവി ആക്രമണം: ജനങ്ങളെ വിധിക്ക് വിട്ടുകൊടുക്കുന്ന നടപടി, യോഗങ്ങള്‍ നടക്കുന്നതല്ലാതെ പരിഹാരം ഉണ്ടാകുന്നില്ല: വി.ഡി സതീശന്‍

Kerala
  •  a day ago
No Image

പൗരത്വ നിയമങ്ങള്‍ കടുപ്പിച്ച് ഒമാന്‍; പൗരത്വം ലഭിക്കണമെങ്കില്‍ തുടര്‍ച്ചയായി 15 വര്‍ഷം രാജ്യത്തു താമസിക്കണം

oman
  •  a day ago
No Image

വന്യജീവി ആക്രമണം തുടർക്കഥയാകുന്നു; വയനാട് ജില്ലയിൽ നാളെ യുഡിഎഫ് ഹർത്താൽ

Kerala
  •  2 days ago
No Image

ട്രംപിനു പിന്നാലെ ഇന്ത്യക്കാരെ നാടുകടത്താനൊരുങ്ങി ബ്രിട്ടനും; അനധികൃത കുടിയേറ്റക്കാരെ തിരിച്ചയക്കുന്നു, ഇന്ത്യൻ റസ്റ്ററന്റുകളിലും ബാറുകളിലും വ്യാപക പരിശോധന 

International
  •  2 days ago
No Image

പാലാ ബിഷപ് ഹൗസിന് കീഴിലുള്ള സ്ഥലത്ത് ക്ഷേത്രാവശിഷ്ടങ്ങളും ശിവലിംഗവും കണ്ടെത്തിയെന്ന അവകാശവാദവുമായി ക്ഷേത്രകമ്മിറ്റി

Kerala
  •  2 days ago
No Image

സംസ്ഥാനത്ത് ഇന്നും നാളെയും ചൂട് കൂടും; ജാഗ്രതാ നിർദേശം

Kerala
  •  2 days ago