ഇന്ത്യയും ഓസ്‌ട്രേലിയും തമ്മിലുള്ള ബോർഡർ ഗവാസ്‌കർ ട്രോഫിയിലെ നാലാം മത്സരം ഡിസംബർ 26 മുതൽ ഡിസംബർ 30 വരെയാണ് നടക്കുന്നത്. മെൽബണിൽ വെച്ചായിരിക്കും ഈ മത്സരം നടക്കുക. പരമ്പരയിലെ അവസാന മത്സരം ജനുവരിൽ മൂന്നു മുതൽ ഏഴു വരെ സിഡ്‌നിയിൽ വെച്ചും നടക്കും. 

ഈ മത്സരങ്ങളിൽ മറ്റൊരു പേസ് ബൗളെർക്കും എത്തിപ്പിടിക്കാൻ പറ്റാത്ത നേട്ടമാണ് ജസ്പ്രീത് ബുംറയുടെ മുന്നിലുള്ളത്. ഈ രണ്ട് മത്സരങ്ങളിൽ ഒമ്പത് വിക്കറ്റുകൾ കൂടി നേടിയാൽ ബോർഡർ ഗാവസ്‌കർ ട്രോഫിയിയുടെ ഒരു എഡിഷനിൽ 30 വിക്കറ്റുകൾ പൂർത്തിയാക്കുന്ന ആദ്യ പേസറായി ബുംറക്ക് സാധിക്കും.

നിലവിൽ ഈ പരമ്പരയിൽ മൂന്നു മത്സരങ്ങളിൽ നിന്നും 21 വിക്കറ്റുകളാണ്‌ ബുംറ നേടിയത്. ഇനി രണ്ട് മത്സരങ്ങൾ കൂടി മുന്നിലുള്ളതിനാൽ ബുംറ ഈ റെക്കോർഡ് കൈപ്പിടിയിലാക്കുമെന്നാണ് ആരാധകർ ഉറ്റുനോക്കുന്നത്. 

നിലവിൽ പരമ്പരയിൽ ഇരു ടീമുകളും ഓരോ മത്സരങ്ങൾ വീതം വിജയിച്ചുകൊണ്ട് 1-1 എന്ന നിലയിൽ സമനിലയിലാണ്. ആദ്യ മത്സരത്തിൽ 295 റൺസിന്റെ കൂറ്റൻ വിജയമാണ് ഇന്ത്യ സ്വന്തമാക്കിയത്. രണ്ടാം മത്സരത്തിൽ 10 വിക്കറ്റിന്റെ വിജയം സ്വന്തമാക്കികൊണ്ട് ഓസീസ് നേടുകയായിരുന്നു. എന്നാൽ മൂന്നാം മത്സരം സമനിലയിൽ പിരിയുകയായിരുന്നു.