വെസ്റ്റ് ഇൻഡീസിനെതിരായ ടി-20 പരമ്പര 3-0ത്തിനു സ്വന്തമാക്കി ബംഗ്ലാദേശ്. അവസാന മത്സരത്തിൽ 80 റൺസിനാണ് ബംഗ്ലാദേശ് വിജയിച്ചത്. ഇതാദ്യമായാണ് വെസ്റ്റ് ഇൻഡീസിൽ വെച്ച് വിൻഡീസിനെ പരാജയപ്പെടുത്തി ബംഗ്ലാദേശ് ഒരു ടി-20 പരമ്പര സ്വന്തമാക്കുന്നത്.

മത്സരത്തിൽ ആദ്യം ബാറ്റ് ചെയ്ത വെസ്റ്റ് ഇൻഡീസ് 20 ഓവറിൽ ഏഴു വിക്കറ്റ് നഷ്ടത്തിൽ 189 റൺസാണ് നേടിയത്. മറുപടി ബാറ്റിങ്ങിനിറങ്ങിയ വിൻഡീസ് 16.4 ഓവറിൽ 109  റൺസിന്‌ പുറത്താവുകയായിരുന്നു. 

ബംഗ്ലാദേശ് ബാറ്റിങ്ങിൽ ജാക്കർ അലി 41 പന്തിൽ 72 റൺസ് നേടി മികച്ച പ്രകടനമാണ് നടത്തിയത്. മൂന്നു ഫോറുകളും ആറ് സിക്സുകളും അടങ്ങുന്നതായിരുന്നു താരത്തിന്റെ ഇന്നിംഗ്സ്. 21 പന്തിൽ 39 റൺസ് നേടി പർവേസ് ഹുസ്സൈൻ ഇമോനും ടീമിനായി മികച്ച സ്കോർ നേടികൊടുക്കുന്നതിൽ നിർണായകമായി. 

ബംഗ്ലാദേശ് ബൗളിങ്ങിൽ റിഷാദ് ഹുസ്സൈൻ മൂന്നു വിക്കറ്റുകൾ നേടി തിളങ്ങി. ടാസ്കിൻ അഹമ്മദ്, മെഹദി ഹസൻ എന്നിവർ രണ്ട് വീതം വിക്കറ്റുകളും നേടി ബംഗ്ലാദേശിന്റെ വിജയത്തിൽ നിർണായകമായ പങ്കാണ് വഹിച്ചത്. 27 പന്തിൽ 37  റൺസ് റൊമാരിയോ ഷെപ്പേർഡ് മാത്രമാണ് വിൻഡീസ് നിരയിൽ പിടിച്ചുനിന്നത്. ഒരു ഫോറുകളും മൂന്നു സിക്സുകളുമാണ് ഷെപ്പേർഡ് നേടിയത്.