കയ്പമംഗലം: എന്‍ജിനിയറിങ് വിഷയങ്ങളില്‍ വി.എച്ച്.എസ്.ഇ പാസായ വിദ്യാര്‍ഥികള്‍ക്ക്  പോളിടെക്‌നിക്കുകളിലെ തുടര്‍ പഠനത്തിന് ഉടനടി ലാറ്ററല്‍ എന്‍ട്രി  പ്രവേശനം ലഭ്യമാക്കണമെന്ന്  പെരിഞ്ഞനം ആര്‍.എം.വി.എച്ച്.എസ്.സ്‌കൂള്‍ പി.ടി.എ.യോഗം സര്‍ക്കാറിനോവാശ്യപ്പെട്ടു.
ഇതു സംബന്ധിച്ച്  ടി.കെ.ജയപ്രകാശന്‍ മാസ്റ്റര്‍ യോഗത്തില്‍ അവതരിപ്പിച്ച പ്രമേയം മുഖ്യമന്ത്രി, വിദ്യാഭ്യാസ മന്ത്രി, പൊതു വിദ്യാഭ്യാസ സെക്രട്ടറി, വി.എച്ച്.എസ്.ഇ.ഡയറക്ടര്‍, ടെക്‌നിക്കല്‍ എഡ്യുക്കേഷന്‍ ഡയറക്ടര്‍ എന്നിവര്‍ക്ക് അയക്കാനും തീരുമാനമായി. പി.ടി.എ.പ്രസിഡന്റ് ശംസുദ്ദീന്‍ വാത്യേടത്ത് അധ്യക്ഷനായി.
വൈസ് പ്രസിഡന്റ് കെ.കെ.നാസര്‍, എം.പി.ടി.എ.പ്രസിഡന്റ് ഇ.എസ്.മിനി, പ്രിന്‍സിപ്പല്‍ ഡോ: അനില്‍കുമാര്‍, പ്രധാന അധ്യാപകന്‍ കെ.ആര്‍.രാമനാഥന്‍, പി.ആര്‍.ജയപാലന്‍, സൂരജ് ആനന്ദ്, വി.വി.യതീന്ദ്രന്‍, ബി.ബീബ, കെ.എസ്.സുധീര്‍  സംസാരിച്ചു.