മസ്കത്ത്: ഒമാനിലെ ദാഖിലിയ ഗവർണറേറ്റിൽ തൊഴിൽ നിയമം ലംഘിച്ചതിന് 18 പ്രവാസികൾ അറസ്‌റ്റിൽ. നിസ്‌വ വിലായത്തിലെ വിവിധ ഭാഗങ്ങളിലായി തൊഴിൽ മന്ത്രാലയം ഡയറക്ട്രേറ്റ് ജനറൽ ഓഫ് ലേബർ വിഭാഗവും നിസ്‌വ നഗരസഭയും സംയുക്തമായി നടത്തിയ പരിശോധനയിലാണ് നിയമ ലംഘകരായ പ്രവാസികളെ പിടികൂടിയത്.

സ്വകാര്യ മേഖലയിൽ ഉൾപ്പെടെയാണ് മന്ത്രാലയം ഉദ്യോഗസ്ഥർ പരിശോധന നടത്തിയത്. തൊഴിൽ നിയമം ലംഘിച്ച് തെരുവ് കച്ചവടം നടത്തിയവരും പിടിയിലായവരിൽ ഉണ്ട്. അറസ്‌റ്റിലായവർക്കെതിരെ തുടർ നടപടികൾ സ്വീകരിച്ചുവരികയാണ്. തൊഴിൽ നിയമലംഘകരെ കണ്ടെത്തുന്നതിനായി വ്യാപക പരിശോധനകളാണ് തൊഴിൽ മന്ത്രാലയം നടത്തിവരുന്നത്.

തൊഴിൽ വിപണി നിയന്ത്രിക്കുന്നതിനുള്ള വിഷൻ 2040ൻ്റെ ഭാഗമായി സേഫ്റ്റി ആൻഡ് സെക്യൂരിറ്റി സർവിസസുമായി സഹകരിച്ചാണ് തൊഴിൽ മന്ത്രാലയം പരിശോധന നടത്തുന്നത്. 

Authorities have arrested 18 migrants in Niswai for violating labour laws, cracking down on illegal employment practices and ensuring compliance with regulations.