പുതുവർഷവുമായി ബന്ധപ്പെട്ട് 2025 ജനുവരി ഒന്നിന് എമിറേറ്റിലെ പൊതു പാർക്കിംഗ് ഇടങ്ങളിൽ സൗജന്യ പാർക്കിംഗ് അനുവദിക്കുമെന്ന് അബൂദബി മൊബിലിറ്റി അറിയിച്ചു. 2024 ഡിസംബർ 30ന് എമിറേറ്റ്സ് ന്യൂസ് ഏജൻസിയാണ് ഇക്കാര്യം റിപ്പോർട്ട് ചെയ്തത്.

ഈ അറിയിപ്പ് പ്രകാരം, 2025 ജനുവരി ഒന്ന് മുതൽ 2025 ജനുവരി രണ്ട്, രാവിലെ 8:00 മണി വരെ അബൂദബിയിലെ ഉപരിതല പൊതു പാർക്കിംഗ് ഇടങ്ങളിൽ വാഹനങ്ങൾ സൗജന്യമായി പാർക്ക് ചെയ്യാൻ സാധിക്കും. ഈ കാലയളവിൽ മുസഫ ഇൻഡസ്ട്രിയൽ മേഖലയിലെ M18 ട്രക്ക് പാർക്കിംഗ് ഏരിയ സൗജന്യമാക്കിയതായും അബൂദബി മൊബിലിറ്റി അറിയിച്ചിട്ടുണ്ട്.

വാഹനങ്ങൾക്ക് പാർക്ക് ചെയ്യാൻ അനുവാദമില്ലാത്ത ഇടങ്ങളിലോ, മറ്റു വാഹനങ്ങൾക്ക് തടസ്സമുണ്ടാക്കുന്ന രീതിയിലോ, ഗതാഗതത്തിന് തടസമുണ്ടാക്കുന്ന രീതിയിലോ വാഹനങ്ങൾ നിർത്തി ഇടരുതെന്നും അബൂദബി മൊബിലിറ്റി ജനങ്ങളോട് ആവശ്യപ്പെട്ടു. രാത്രി 9 മുതൽ രാവിലെ 8 വരെ റസിഡന്റ് പാർക്കിങ്ങുമായി ബന്ധപ്പെട്ട വ്യവസ്ഥകൾ പാലിക്കാനും അബൂദബി മൊബിലിറ്റി നിർദ്ദേശം നൽകി. 2025 ജനുവരി ഒന്നിന് ഡാർബ് ടോൾ ഗേറ്റ് സംവിധാനം സൗജന്യമാക്കിയതായും അബൂദബി മൊബിലിറ്റി അറിയിച്ചു.

Celebrate Muharram 1 with free parking in Abu Dhabi on January 1, a special treat for residents and visitors alike.