പട്ടിക്കാട്(ഫൈസാബാദ്): പട്ടിക്കാട് ജാമിഅ നൂരിയ്യ അറബിയ്യ 62-ാം വാര്‍ഷിക, 60-ാം സനദ് ദാന മഹാസമ്മേളനം സമാപിച്ചു. പ്രബോധനവീഥിയിലേക്ക് 522 ഫൈസി പണ്ഡിതന്മാരെകൂടി ജാമിഅ ഇന്നലെ സംഭാവന ചെയ്തു.

സമാപന മഹാസമ്മേളനം ഫലസ്തീന്‍ നയതന്ത്ര പ്രതിനിധി ഡോ.അബ്ദുറസാഖ് അബൂജസര്‍ ഉദ്ഘാടനം ചെയ്തു. ജാമിഅനൂരിയ്യ പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍ അധ്യക്ഷനായി. സമസ്ത കേരള ജംഇയ്യത്തുല്‍ ഉലമാ പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ ഫൈസി പണ്ഡിതന്‍മാര്‍ക്കുള്ള  സനദ് ദാന പ്രസംഗവും നിര്‍വഹിച്ചു. പാണക്കാട് സയ്യിദ് അബ്ബാസലി ശിഹാബ് തങ്ങള്‍ സ്വാഗതം പറഞ്ഞു. സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്ലിയാര്‍ പ്രാര്‍്തഥന നിര്‍വഹിച്ചു. ഉസ്മാന്‍ ബിന്‍ അഹ്‌മദ് അല്‍ അമൂദി (ജിദ്ദ) മുഖ്യാതിഥിയായി പങ്കെടുത്തു. സമസ്ത വൈസ് പ്രസിഡന്റ് കോട്ടുമല മൊയ്തീന്‍ കുട്ടി മുസ്ലിയാര്‍, സെക്രട്ടറി എം.ടി അബ്ദുല്ല മുസ്ലിയാര്‍, ട്രഷറര്‍ കൊയ്യോട് ഉമര്‍ മുസ്ലിയാര്‍, പ്രതിപക്ഷ ഉപനേതാവ്  പി.കെ കുഞ്ഞാലിക്കുട്ടി, എം.പി എസ്.വൈ.എസ് സെക്രട്ടറി അബ്ദുസമദ് പൂക്കോട്ടൂര്‍ തുടങ്ങിയവര്‍ സംസാരിച്ചു.