കൊച്ചി: മലയാളി താരം കെ.പി രാഹുൽ കേരള ബ്ലാസ്റ്റേഴ്‌സ് വിട്ടു. സമൂഹ മാധ്യമങ്ങളിലൂടെ ക്ലബ് ഇക്കാര്യം ഔദ്യോഗികമായാണ് അറിയിച്ചു. ഒഡീഷ എഫ്‌.സിയുമായാണ് രാഹുൽ കരാറിൽ ഏർപ്പെട്ടത്. കഴിഞ്ഞ ആറു സീസണുകളിലായി ബ്ലാസ്റ്റേഴ്സിനൊപ്പമുള്ള രാഹുൽ നിരവധി ഗോളുകളും നേടിയിട്ടുണ്ട്. ഡിഫൻഡർ പ്രീതം കോട്ടാൽ, യുവതാരം അമാവിയ, സൗരവ് മണ്ഡൽ, ബ്രൈസ് മിറാൻഡ തുടങ്ങിയവരുടെ പേരുകളും ജനുവരി ട്രാൻസ്ഫർ ജാലകത്തിൽ ഉയർന്നുകേൾക്കുന്നു. 

ബ്ലാസ്റ്റേഴ്‌സിന്റെ പോസ്റ്റർ ബോയ് ആയ രാഹുൽ ഇതുവരെ 76 മത്സരങ്ങളിലാണ് ബ്ലാസ്റ്റേഴ്സിനായി കളത്തിലിറങ്ങിയത്.  ഒമ്പത് ഗോളുകളും നേടിയിട്ടുണ്ട്. കഴിഞ്ഞ ദിവസം പഞ്ചാബ് എഫ്.സിക്കെതിരായ ബ്ലാസ്റ്റേഴ്‌സിൻ്റെ എവേ മത്സരത്തിൽ സ്‌ക്വാഡിൽ പോലും താരമുണ്ടായിരുന്നില്ല. ഇതോടെ രാഹുൽ ക്ലബ് വിടുന്ന അഭ്യൂഹങ്ങൾ ശക്തമായിരുന്നു. ഇതിന് പുറകെയാണ് ഔദ്യോഗിക പ്രഖ്യാപനമെത്തിയത്. 2019-ലാണ് രാഹുൽ ബ്ലാസ്റ്റേഴ്സിൽ ചേരുന്നത്.

Kerala Blasters' winger Rahul KP has joined Odisha FC on a permanent deal.