മാഡ്രിഡ്: വിനീഷ്യസ് ജൂനിയറിന് രണ്ട് മത്സരങ്ങളിൽ നേരിടേണ്ടിവന്ന വിലക്ക് ഒഴിവാക്കാനുള്ള റയൽ മാഡ്രിഡിന്റെ അപ്പീൽ തള്ളിസ്പാനിഷ് ഫുട്ബോൾ അപ്പീൽ കമ്മിറ്റിയാണ് വിധി പുറത്തുവിട്ടത്. ലാ ലീഗയിൽ വലൻസിയക്കെതിരെയുള്ള മത്സരത്തിൽ ആയിരുന്നു വിനീഷ്യസിന് ചുവപ്പ് കാർഡ് ലഭിച്ചത്. 

മത്സരത്തിൻ്റെ രണ്ടാം പകുതിയിൽ വലൻസിയ ഗോൾ കീപ്പർ സ്റ്റോൾ ഡിമിട്രിവ്സ്‌കിയുമായുള്ള ഏറ്റുമുട്ടലിനു പിന്നാലെയാണ് ബ്രസീലിയൻ താരത്തിന് നേരെ റഫറി ചുവപ്പ് കാർഡ് കാണിച്ചത്. സംഭവം ആക്രമണം ആണെന്ന് മനസിലായതിനു പിന്നാലെയാണ് വിനീഷ്യസിന് രണ്ട് മത്സരങ്ങളിൽ വിലക്ക് നേരിടേണ്ടി വന്നത്. എന്നാൽ ഇപ്പോൾ ഈ വിലക്ക് തള്ളിയ ഈ തീരുമാനം റയലിൻ്റെ മുന്നോട്ടുള്ള കുതിപ്പിന് വലിയ തിരിച്ചടിയായിരിക്കും നൽകുക.

കഴിഞ്ഞ ദിവസം നടന്ന സ്പാനിഷ് സൂപ്പർ കപ്പ് ഫൈനലിൽ ബാഴ്സലോണയോട് പരാജയപ്പെട്ട് റയലിന് കിരീടം നഷ്ടമായിരുന്നു. മത്സരത്തിൽ രണ്ടിനെതിരെ അഞ്ചു ഗോളുകൾക്ക് ആയിരുന്നു റയൽ പരാജയപ്പെട്ടത്. അതുകൊണ്ട് തന്നെ ലാ ലീഗയിൽ മികച്ച പ്രകടനം നടത്താൻ തന്നെയായിരിക്കും റയൽ ലക്ഷ്യം വെക്കുക. 

നിലവിൽ സ്‌പാനിഷ് ലീഗിൽ പോയിന്റ് ടേബിളിൽ രണ്ടാം സ്ഥാനത്താണ് റയൽ. 19 മത്സരങ്ങളിൽ നിന്നും 13 വിജയവും നാല് സമനിലയും രണ്ട് തോൽവിയും അടക്കം 43 പോയിൻ്റാണ് റയലിൻ്റെ കൈവശമുള്ളത്. 44 പോയിൻ്റോടെ അത്ലറ്റികോ മാഡ്രിഡ് ആണ് ഒന്നാം സ്ഥാനത്തുള്ളത്.